Betty

Betty Owczarek (22 meie 1976, Iengelmunstr) es zo beroemd in Vloandern da ze ginnen achternoame nôodig eit, en da zonder ênige vorm van talent.
Betty begoste eur carriere als pronte bêenouwersvrouwe in Iengelmunstre. Ze kwam et stienkende beu altid moa tussen de vier meuren van de bêenouwerie te moet'n keriotten en vriendelik proberen te zeun met oal die lokoale minschen.
Ze probeerde eut heur meute te ontsnappen deure mee te doen an Big Brother. Ze wos de mêest ipgemerkte dêelneemster an de êeste Vlamschen Big Brother, en programma ip Kanaal 2 in 2000 woarin dat minsn en poar moanden moetn soamenleevn onder het constante ôoge van de camera. Betty, een tot ton onbekend persoantje, werd vôorol ipgemerkt voer eur dubbelzinnige erotisch-getinte ipmerkingn. Een vôorbeeld doavan was piekern, wa da voo zelfbevredigen stond. Een ander kenmerk wos eur voor sommigen irritante lach, die deur sommigen als geginnik werd beskouwd. Loater ei ze toegegeevn dat eur semi-naief gedoe een bewuste strategie wos.

Voddere carrière

• Achter Big Brother ei ze getracht een zangcarriere ut te bouwn oender de noame Biba Binoche - moa zonder vele succes (of talent). Zeit oek in de Playboy gestoan.
• In Iengelmunstr eit ze nog de café het Lijsternest (een eus van plezier) overgepakt en der ne serieuse noame ip geplakt: "Betty's place".
• Z'is wok geskièdn van eur nen êesten vint, de bêenouwer, z'es ertrouwd en weunt nu in Mechelen.
• In 2006 smeet Betty eur in de polletiek : ze krêeg in Lier e verkiesboare plekke op de LierMM scheurliste va de liberoaln voe de gemêenteroadsverkiezingn. Z'oat 228 stemmen, moa de partie zelve koste gêenêenen zetel an'oak sloan.