Kortndrank

Kortendrank

Om eirlijk te zein, k'weenie woar t'woord eut komt.

Ein van dees daegen goak uitvissen woar da da eut komt.

t'zoe keun zin datte moaken eeft met veel alkool inne kleine flaske.

Histories peiz ik da we alliene de genever (geneverbeze) kenn, verwant an den engelse gin, de noord franse genièvre (zoals de machtigen Wambrechies), In Vloandern ester veel konkurrense voor de genever varianten; in asselt peizen ze zelfst da'se t'utgevonden ein. Oak in Leuk (de péquet de liège) en verder over Luksemburg noar Deutsland loapt er un spoor van genever met vele noamen en variasies.

Moar in de groand is t'simple: ze keunen bie oes olliene moar "eau de vie" moaken die omzeggens gien smoake eit. Doarom angen ze bie t'distilleren, er generberbezen in omdat het toch nog noa wadde zoe smoaken.

Toot omtrent 1985 schat ekik was t'er ook ne bloeiende circuit van illegalen alcool in Vloandern. Ie smoakte noa ne mix van ether en afgewrochte olie; moar ie was goekoape en je kwamt'er toch zat van. K'goa gein noamen noemen, maor iedre kier datter er iemand stif rap smoarrikke kwam doacht iederjen aan alkool.

Er zein gevallen bekend van koebeisten die stif rap stekevet kwoamen omdaze den afval van de stokerie op moachten eten en drinken.

En voar da'k et verhete: den avokoat, gemakt van eiers en illegoalen alkool.

Voe mie, komta van de gedachte daj der nie vele van moe drinken voe droenke te zin wi.