Houtland (Vrankryk)

Gemêentn die volledig of met'd hoofdplatse in het Houtland liggn

t Houtland is e fysisch-geografisch gebiêed in de Fransche Westhoek, in het Franse Noorderdepartement, gelegn tusschn't platte Blôotland en't Leiedal.

't Houtland (met Sint-Omaars) is Frans gewordn achter de slag aan de Peene in Nôordpeene in 1677.

't Houtland is voer een dêels vrêe plat en voer een dêel vrêe heuvelachtig gebîed, dad ansluut ip it gelykoardig gebîed in 't West-Vlamssche dêel van de Westhoek en wordt tegoare 't West-Vlaams Heuvelland genoemd. De twi rijn ôost-westgericht' heuvls zyn yzerhoudend en bedekt mé zandstêen. 't Gebîed is landelik en wordt gekenmerkt deur intensieve landbouw mé zowel weide- as akkerland.

De belangrikst' heuvels ('bergen') zyn, van ôost noa west:

• Zwarteberg (Mont Noir, 150 meter)
• Kokereelberg (Mont Kokereel, 110 meter)
• Boeschepeberg (Mont de Boeschepe, 129 meter)
• Katsberg (Mont des Cats, 164 meter)
• Wouwenberg of Uwenberg (Mont des Recollets, 155 meter)
• Kasselberg (Mont Cassel, 176 meter)
• Watenberg (Mont de Watten, 72 meter)

Ten zuudn van die heuvelrije lig nog e rije mé lagere heuvels, die endigt in't Houtland:

• Ravensberg (Ravensberg, 70 meter)
• Rijselberg (Mont de Lille, 43 meter)

De twêe rijn beginnn in't West-Vlamse Heuvelland.

Belangrikste plaatsn in't gebîed:

• Belle (Bailleul)
• Hazebroek (Hazebrouck)
• Kassel (Cassel)
• Stêenvôorde (Steenvoorde)
• Wormout (Wormhout)