Mecheln

Dat artikel es geschreevn in 't Poperiengs.

---

Sint-Romboutstôorn, genoemd na de patrôon van de stad

Mecheln (officieel: Mechelen) is e stad in Belgie, in de provinsje Antwerpn. 't Legt tusschen Antwerpn e Brussel. D'r wunt à peu près 80.000 man. De bynoame van d'inweuners is Moaneblusschers.

Geschiedenisse

• Ze klappn ol va Mecheln in 't joar 1008. De noame van 't steej komt messchiens van 't wôord mahal wuk da vergoaderplekke wil zeggn.
• De stad wos toet in 'n 18sn êeuw zelfstandig binn de Heerlijkheid Mechelen. Mecheln wos zelfs, in 'n 15sn êeuw, e tydege 'n oofdstad van de Nederlann.
• In 1835 wos Mecheln nog e ki 't centrum van 't land. Want ton goungn d' êeste tringlynn va Mecheln na Brussel, Antwerpn en Dendermonde.

Beziensweirdigeedn

• Technopolis, e museum over techniek en weetnschap woa daje zelve ôok vele kunn uttestn en probeern

Toale

(komt nog)

Bekende Mecheloars

• Rik De Saedeleer, voetbolcommentateur
• Yves Desmet, journalist by De Morgen
• Carry Goossens, Oscar van de Kampioenen
• Mark Uytterhoeven, media-figure

Sport

Mecheln et twêe voetbolploegn in d'ogste klassen: Racing Mechelen (stamnummer 24) e KV Mechelen (stamnummer 25). Ze bestoan olletwêe sedert 1904. De fans van de ploegn kunn makoars bloed drienkn.

Rivaliteit met Antwerpn

D'r bestoat e gezounde rivaliteit tusschn Antwerpn en Mecheln. Dat ziej ounder anger in de folklore round Opsinjoorke, een outn puppe da ze in Mecheln meidroagn by grôte stoetn, en in de lucht smytn en were opvangn. In 1949 addn Antwerpsche studentn die puppe etjoept uut e museum. In 1971 wos 't were van dat: niemand wit wie da ze epakt adde, moa Opsinjoorke voungn ze achternoar were in 't gevang van Mecheln.

Externe koppelienge

• Site van de gemêente