Filips den Stoutn: verschil tussen versies

Van Wikipedia
Verwijderde inhoud Toegevoegde inhoud
EmausBot (discuusjeblad | bydroagn)
EmausBot (discuusjeblad | bydroagn)
k r2.7.2+) (Robot Anders: uk:Філіп II Сміливий
Regel 90: Regel 90:
[[sv:Filip II av Burgund]]
[[sv:Filip II av Burgund]]
[[th:ฟิลิปเดอะโบลด์ ดยุคแห่งเบอร์กันดี]]
[[th:ฟิลิปเดอะโบลด์ ดยุคแห่งเบอร์กันดี]]
[[uk:Пилип II Сміливий]]
[[uk:Філіп II Сміливий]]
[[zh:菲利普二世 (勃艮第)]]
[[zh:菲利普二世 (勃艮第)]]

Versie van 26 okt 2012 11:51

Filips den Stoutn
13421404
Filips den Stoutn
Hertog van Bourgondië
Periode1363 – 1404
VôorgangerJan II den Goein
IpvolgerJan zounder Vrees
Groaf van Vloandern
Periode1384 – 1404
VôorgangerLodewyk van Male
IpvolgerJan zounder Vrees
Groaf van Charolais
Periode1390 – 1404
VôorgangerNieuw
IpvolgerJan zounder Vrees
VoaderJan II den Goein
MoederBonne van Luxemburg
Zyn bezittiengn

Filips den Stoutn (Pontoise, 17 januoari 1342 - Halle, 27 april 1404) was hertog van Bourgondië van 1363 tout an zyn dôod. Je was de stamvoader van de Bourgondischn tak van ’t huus Valois.

Achter den dôod van zyn schônvoader in 1384 kwamt ‘n groaf van Vloandern, Nevers, Artesië, Rethel en Franche-Comté en van 1390 groaf van Charolais.

Zyn bynoame krêegt ie omdat ’n zo courageus was in de Slag van Poitiers in 1356, binst den Ounderdjoarigen ôorlog. Je was ton vêertien joar oud en vocht mee mè zyn voader.

Zyn leevn

’t Woapn van de Bourgondische hertoogn achter 1363

Filips was de joungste zeune van de keunienk van Vrankryk Jan II den Goein, van ’t huus Valois, en Bonne van Luxemburg.

In 1363 krêegt 'n ’t hertogdom Bourgondië mè den hoofdstad Dijon. Zyn voader stierf in 1364 en je wierd ipgevolgd deur zyn oudste zeune (en broere van Filips), Karel V van Vrankryk, (Charles V le sage).

In 1369 trouwde Filips in Gent mè Margaretha van Male, dochter van Lodewyk van Male (1346-1384), groaf van Vloandern.

Den achtntwientigstn meie 1371 wierd hunder oudste zeune Jan zounder Vrees in Dijon geboorn.

In 1380 stierf zyn broere Karel V van Vrankryk en je wierd ipgevolgd deur zyn zeuntje Karel VI die nog moa twoalf joar oud was.

Van 1380-1388 verblêef Filips in Parys en je was doa de leidnde figeure en voogd van zyn minderjoarig neeftje. Van die positie miekt ‘n in 1382 gebruuk vor e leger in te zettn, vo de Vlamschn ipstand in de Slag by Westrôzebeke teegn zyn schônvoader Lodewyk van Male t’ounderdrukkn. ’t Besteur van zyn eign gebied liet ‘n over an zyn vrouwe Margaretha.

In 1384 stierf Lodewyk van Male. Je was de latstn groaf van Vloandern van ’t geslacht Dampierre. Filips erfde zyn gebiedn.

In 1392 wierd Karel VI gêestesziek en Filips pakte were ’t regentschap ip hem.

Vrouwe en jounges

Deur te trouwn mè Margaretha van Male wierd et hertogdom Bourgondië nie ollêne verênigd met de groafschappn Bourgondië en Artesië, moar ook met et ryke groafschap Vloandern.

Hunder jounges

  • Jan zounder Vrees (1371–1419), zyn ipvolger as hertog van Bourgondië, vermôord in Montereau
  • Karel (1372–1373)
  • Margaretha van Bourgondië (1374-1441), trouwde mè Willem II van Beiern (groaf van Henegouwn-Holland-Zêeland), d’ouders van Jacoba van Beiern
  • Lodewyk (1377–1378)
  • Catharina (1378-1425)
  • Bonne (1379–1399)
  • Antoon (1384-1415)
  • Maria (1386-1422)
  • Filips (1389-1415), groaf van Nevers en Rethel

Zyn dôod

Filips stierf in 1404 in ’t Broabantse Halle en zyn zeune Jan zounder Vrees volgdeg hem ip. De rykelik versierde proalgroavn van Filips den Stoutn en Jan zounder Vrees stoan in de musée des Beaux-Arts in Dijon in ’t paleis van d'hertoogn van Bourgondië. Ze zyn gemakt deur de kunstenoars Jean de Marville, Claus Sluter, Claus de Werve en Jean Malouel, den officieeln schilder van den hertog. Ze moakn dêel uut van de schonste kunstwerkn van ’t Bourgondisch Ryk.

Proalgraf van Filips den Stoutn in ’t paleis van d'hertoogn van Bourgondië in Dijon

Patrôon:Link FA