Kwoadyper

Kwoadyper Quaëdypre
Kwoadyper in't arroundissement Duunkerke
Geografie
Regio	Nord-Pas-de-Calais
Departement	Noorderdepartement
Arroundissement	Duunkerke
Kanton	Bergn
Coördinoatn	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	18.7 km²
Inweuners
Inweuners Bevolkiengsdichtheid	1150 (2009) 61 inw./km²
Andere
Burgemêester	André Remaux
Postcode	59380
Webadres

Kwoadyper (Frans: Quaëdypre, Nederlands: Kwaadieper) es e gemêente in Vrankryk in't Noorderdepartement. 't Ligt in Frans-Vloandern up't schee'n van't Outland en't Blootland. 't Grenst an de gemêentn Ooimille, Warrem, West-Kapel, Wilder, Wormout, Ekelsbeke, Soks en Bergn. In de gemêente liggn ôok nog de gehuchtn Klap Hoek, Croix Rouge, Byssaert en Vyf-Weg.

In tydde van de Romein'n liep de boane tussch Kassel en de Nôordzêe deur 't gebied. Der es zelfs e munte van den Romeinschn keyzer Nero gevoundn in Kwoadyper. Kwoadyper zelve ontstound in 1067 achter de droogleggienge van de streke in den tiendn en elfdn êeuwe. In 1220 ad 't dorptje de noame Quatipra en derachter in 1393 komt de noame Quaedyper veurn. Etymologische geziene kunn'n der twêe explikoasches zyn vo de noame, tewoare komt ze van kwoad in de zinne van "slicht" en ieper van den bôom iep, tewoare komt ze van kwoad in de zinne van "klêen" en ieper na 't stad Ieper. De latste explikoasche es te verantwôordn me da Kwoadieper vroegr by't Groafschap Vloandern zat en by 't bisdom van Ieper ôordigde. D' abdeye van Sint-Winok uut Bergn bezat in tydde de kerke van Kwoadyper en verschillige and're. In Kwoadyper stoat de Sint-Omerskerke uut 't begun van de zeevntiende êeuwe.

De koereur Pierre Everaert (1933-1989) wos afkomstig uut Kwoadyper.

• 
  De Sint-Omerskerke in Kwoadyper
• 
  Militair Kerkof van Croix Rouge

Ofbeeldiengn die ier by passn ku je vien in de categorie Quaëdypre van Wikimedia Commons.