Tope (Insectneter)

Tope (Insectneter)
E veldtope
Taxonomische indêlienge
Domein: Eukaryootn Ryk: Animalia (Beestn) Stamme: Chordata (Chordabeestn) Klasse: Mammalia (Zoogbêestn) Orde: Eulipotyphla (Insectneters) Familie: Soricidae (Toopn)
Sorte
Tope (Insectneter) Fischer, 1814

Toopn of tolpn (Soricidae, Nederlands: spitsmuizen) zyn zoogdiern uut de orde van de insectneters. In de weireld zyn der e sôorte of 400, die verre overol ter weireld leevn, buutn Australië en Antarctica. Z'eetn ollemoale vlêes (fernient of klêne bêestn), mo 't zyn der ouk die nog plantn derby eetn. Oloewel dan ze wel e bitje up e muus met e lange neuze trekkn, zyn 't gin muuzn, 't zyn zest gin knoagdiern.

Toopn en nog e cloaca (geslachts- en verteiriengskanoal, lik byn kiekns), die byn de mêeste zoogdiern eschid is. Nunder erte sloat oek indeliks zêre (600 keirs per menute), woadeure dan ze nie ol te lange leevn (e goe 2,5 joar). In nunder spuug zit er e sôorte vergif.

In West-Vloandern zyn der 6 verschillige sôortn:

• Dwergtope
• Geweune Bustope
• Twikleurige Bustope
• Woatertope
• Uustope ('t mêest van ol)
• Veldtope

Varia

De West-Vlamsche noame komt van de Fransche noame voun mol: taupe, ol zeggn d'Italioanders ouk wel toporagno.

De noame tope is ouk gebruukt voun e sôorte woelmuus an te duudn.