Poater Lievens: verschil tussen versies

Van Wikipedia
Endriek (discuusjeblad | bydroagn)
Geen bewerkingssamenvatting
D-rex (discuusjeblad | bydroagn)
(geen verschil)

Versie van 14 dec 2006 20:56

Constant Lievens es geboren den 10 april 1856 te Môoslee. Je wos t zevenste kiend van elve. Zien voadre wos boer.

In 1876 wos Constant Lievens den twidden in de retorica van t Kleen Seminoarje in Roeseloare, bie paster-leroare Hugo Verriest. Den eesten wos Albrecht Rodenbach.

Je wilde paster worden, gienk eest voart leern in tzelfste Kleen Seminoarje en toen in september 1877 noa 't Groat Seminoarje in Brugge vo theologie te studern.

J'a geirne jezuïet-missionaris geworden en doavoorn gingt ie noa 't noviciaat in Drongen.

Den 22 oktober 1880 leit ie zn klôostergeloften of. Dezelfsten dag nog pakteg ie den boat in Ostende vo noar India te reizn.

In India lêerdne voart vo paster. In 1883 wierd ie in Calcutta toet paster gewied. Je blêef doa toe 't ende van 't joar lesse geevn.

Calcutta wos 't centrum van de missie van West-Bengalen en Lievens wierd benoemd vo de missie van Chotanagpur.

In 1885 gingt ie noa Torpa. Je probeerde entwa te doên vo de ôorsproenkelikke bevolkienge die uutgebuut wierd. Je makte under surtoe duudluk da ze up under rechten moesten stoan. Da zorgde nateurlik wok vo hêel wa vrievingn ... Moa je liet em niet dôen en wos oenvermoeiboar.

In 1891 kriegt ie thoarn dat ie an de tèringe liedt. En zien liefspreuke es nie vo niet "Vier moet branden" want achter 2 moanden rust, kjeert ie ol were noa Ranchi vo voart te werkn. Moar in 1892 kjeert ie were noa België vo te probeern te geneezn.

Je sterft de 7 november 1893, nog moa 37 joar oed.


Standbeeld:

Sedert 1929 stoat er up de mart van Môoslee n stanbild van poater Lievens. Poater Lievens up zien peird met n kruusbild in zien andn en nen Indiër geknield d'ervoarn, die wilt gedopt wordn.

Anikdote: in Slyps zeggn ze dat Lievens Môoslee voorenstelt en dat dienen Indiër Slyps es ... die up zien kniejn mag zittn vo Môoslee.


Zoaligverkloaringe

In 2001 wierd de prossedeure vo zoaligverkloaringe in gank gezet. De postulator es ne vroegeren oenderpaster van Môoslee, Odiel Denorme.


Externe koppelienge

Website van t Lievensmuseum in Môoslee