Moatig warme loof- en gemienglde busschn

Verspreidienge in de weirld van de warmgemoatigde loof- en gemienglde busschn.

De warmgemoatigde loof- en gemienglde busschn (ook gekend lik de wientrekoale loofbusschn) zyn e bioom da geleegn is in streekn mêt e warmgemoatigd klimoat en mê veele reegn oovre hêel 't joar. Die busschn zyn typiesch ipgebowd uut vier loagn of verdiepn. De krôonnloage of 't ippreverdiep bestoat uut grôote rype boomn van 30 toe 61 meetrs ooge. Oendre 't ippreverdiep istr de boomloage die schowte verdroagt en oengevêer 9 toe 15 meetrs mindre ooge is of 't ippreverdiep. 't Oogste gedêelte van de boomloage wordt ook de sub-krôonloage genoamd en die bestoat uut kleindre rype boomn, midddlegrôote boomn en oendredrukte joenge boomn die wachtn ip e gatje in de krôonloage vo te kunn deuregroejn. Oendre de sub-krôonloage istr de struukloage die bestoat uut lêeggroejnde oetachtige plantn. Typiesch vo 't bioom is de lêegst groejnde en no biodiversiteit mêest ryke loage is de kruudnloage of groendbedekkienge.