Vienke

Vienke
Taxonomische indêlienge
Ryk: Animalia (Bêestn) Stamme: Chordata (Chordabêestn) Klasse: Aves (Veugels) Orde: Passeriformes (Zangveugels) Familie: Fringillidae (Vienkachtigen) Geslacht: Fringilla (Vienkn en keepn)
Sorte
Fringilla coelebs Linnaeus, 1758

Een vienke (Fringilla coelebs) es ne zangveugel.

Uutzicht

De vienke es nen veelgekleurde veugel: de ôofdtôon van et manneke es rostbruun, da vôornkomt ip de buuk, de rugge en zyn koakn. Ie eit ôok nen gryze kop en nekke. Zyn vleugels ein zwart-witte streepn in twêe bandn. 't Vrouwke es een bitje minder ipvoallend en egoaler bruun: van boovn wa dounkerder, van oundern wa lichter.

Verspreidienge

Ge vindt de veugel in bossn (lôof-, noald- en gemingde bossn), in parkn en in unnen of. Zowel in vlakke streekn als in bergn koom je em teegn. In West-Vloandern es't ie dikwyls te zien.

Levenswyze

De nestn van ne vienke goa je vindn in bôomn, in de vorke tussn twêe takkn. Ze zyn gecamoufleerd me mossn en briel van insekn en spinn. De vrouwkes leggn drie tot zes eiers in 't vôorjoar. Ze broedt de eiers allêne uut, moar achter de geboorte geevn zowel et vrouwke als et manneke eetn: insektn, larvn en rupsn. Achter twêe weekn vliegn de joungn uut.

De volwassn veugels eet vôorol zoad, moar soms ôok vruchtn en bôomknoppn.

Varia

De veugels ein een typische zang, de vienkeslag, die ton nog streekgeboundn es ôok: in Vloandern eindigt zyn lied olsan me 'suskewiet'. 't Es de boasis gan vormn voo ne volkssport Vienkezettieng, die populair es in Vloandern.

Uutdrukkinge

• Ip vienkeslag zittn: gespann zittn wachtn vo toe te sloan

Mêer ofbeeldiengn die ier by passn ku je vien ip Fringilla coelebs ip Wikimedia Commons.