Miern: verschil tussen versies

Naar navigatie springen Naar zoeken springen
655 bytes toegevoegd ,  5 jaar geleden
geen bewerkingssamenvatting
Miern vormn koloonjes die varjeern in ofmeetienge van e poar dozynn indivieduuwn die leevn in klêene nateurlikke oltn toe ooge gorganizeerde koloonjes die grôote gebiedn bezettn en miljoenn indivieduuwn omvattn. Grotre koloonjes bestoan mêesta uut wuuvetjes zoendre vleugls die de kaste van de "werkrs", "soldoatn", of andre gespesjaliezeerde groepn uutmoakn. Bykans al de mierekoloonjes ên ook e poar vruchtboare vintjes "darn" genoamd en êen of mêer vruchtboare wuuvetjes keuneginn gêetn. De koloonjes wordn beschreevn lik super[[Organisme|organiesmn]] omda de miern werkn lik êen êeneid vo de koloonje 't oendresteunn <ref>{{en}} Oster GF, Wilson EO 1978 : Caste and ecology in the social insects, ''Princeton University Press'', Princeton, p. 21–22 ISBN 0-691-02361-1</ref><ref name="Flannery2011">{{en}} Flannery Tim 2011 : A Natural History of the Planet, ''Grove/Atlantic, Inc.'', p. 79 ISBN 9780802195609</ref>.
 
De miern ên bykans iedre stik land ip [[eirde]] veroovrd. D' êenigte plekkn wo datr gin inêemsche miern zyn is [[Antarctica]] en e poar vêrofgeleegn oenêrbergzoame eilandn. Miern geneirn undre in de mêeste [[ekostelsl]]s en kunn 15–25% vormn van de biomassa van ol de [[bêestn]] <ref> {{en}} [http://www.pnas.org/content/97/26/14028.full Schultz Ted R. : In search of ant ancestors] </ref>. Undre wêlsloagn in zoveele sôortn omgeeviengn wordt toegeschreevn an undre sosjoale organiezoasje en undre vermoogn vo leefgebiedn te wyzign, vo bestoansmiddels te vienn, en vor undre eign te verwêern. Undre lange gemêenschapplikke oentwikklienge mê andre sôortn e geleid toe verschillende uutêenloopnde reloasjes : ''mimicry'' (noabôotsienge van plantn of bêestn), kommensaliesme (profiteern zoendre noadeel te geevn an 'n andre sôorte), parazitiesme (profiteern en schoa geevn vor 'n andre sôorte) en mutualiesme (profiteern en vôordeel geevn an 'n andre sôorte) <ref name=TheAntsRelations> {{en}} Hölldobler & Wilson 1990, p. 471</ref>.
 
{{Commonscat|Formicidae}}
5.459

bewerkingen

Navigatiemenu