Velokoerse: verschil tussen versies

Van Wikipedia
Verwijderde inhoud Toegevoegde inhoud
k glottisslag
Tbc (discuusjeblad | bydroagn)
→‎Strategieën: Ofbeeldienge:Patrick Lefevere.jpg
Regel 51: Regel 51:


==Strategieën==
==Strategieën==
[[Ofbeeldienge:Patrick Lefevere.jpg|Thumb|Patrick Lefèvere]]
Der zin verschillende strategieën:
Der zin verschillende strategieën:
* O ne ploeg nen goeien sprinter in us eit, goan ze trachten om het peloton tope te oudn tot an de mete.
* O ne ploeg nen goeien sprinter in us eit, goan ze trachten om het peloton tope te oudn tot an de mete.

Versie van 24 dec 2006 12:07

Bels kampioenschap op de weg 2006

Vélokoerse of kortweg koerse ès een sport. De bedoelinge ès om met ne vélo zo zêre meuglik van start tot finish te geroaken. Tès nen echten ploegsport. Nen ploeg bestoat typisch uit 1 of eventueel 2 kopmann'n, en mêerdere helpers, en weirdt geleid deur nen sportdirecteur. Oloewel professioneel wielerploegen uit soms 30 coureurs bestoan, magt er an iedere koerse tog moar nen ploeg van 8 tot 10 coureurs startn.

Sôort'n wielrenn'n

Oloewel het vélokoerse ip de weg, die ier beschreevn weirdt, het mêest gekend es, zin der ôok nog andere disciplines:

  • koerse ip de piste: coureurs droaien ip een gesloot'n circuit zo zêre meuglik rondjes.
  • cyclo-cross: wielerkoerse, moa ton in het veld (mo ôok in't zand of deur't bos).
  • Mountenbiken: nen extremeren vorm van veldrien, zo moet'n der bievôorbeeld ôok over rotsen gereedn wordn.

Olle disciplines zin Olympisch, utgenoomn cyclo-cross.

Koerse ip de weg

De discipline met de mêeste internationoale utstroalinge es de koerse ip de weg. Het wielersezoen start in januari, en endigt in november. Der zin twêe sôorten koersen:

Êendagswedstriden

Êendagswedstriden zin, zoals de noame ol verklapt, wedstriden die over êne dag gereedn wordn. Der zin veel êendagswedstrid'n, ingedêeld in categorieen volgens hun belang. De belangrikste wedstriden zin sedert 2005 gegroepeerd in de UCI Pro Tour. De belangrikste periode voo de êendagswedstriden is moart-april, met een ipienvolginge van Pro Tour wedstriden. Een ander belangrike periode es het nojoar, met een twêede reeks wedstriden eindigend in het Weireldkampioenschap. Een aantal van de belangrikste wedstriden zin:

West-Vloandern eit een rike tradisie in de koerse, en vele gemêenten ein ôok under eigen koerse. Een aantal vôorbeeldn: E3 Pris Vloandern, Kuurne-Brussel-Kuurne en Twis deur Vloandern

Het peleton in de Ronde van Vrankrik

Wielerrondes

Verspreid over het hêle joar zin der veel kortere rittnwedstriden, moar de belangrikste ein platse van mei tot september: Roende van Itoalje, Roende van Vrankriek, Roende van Spanje. De mêeste rondes ein een ofwisselend palet an rittn: vlakke rittn, bergrittn, tidrittn, ploegentidrit,.... In de wielerrondes ei je verschillende klassementen: iederen dag dat er nen rit gereden weirdt es't er nen dagwinnoare. De belangrikste pris es de overwinninge in tid (olle tiden van olle ritt'n weirden tôpegeteld, en deen met minste tid wint de ronde. Doarnoast ei je ôok nog het punt'nklassement (aan de ankomste weirdn der punt'n gegeven in platse van no den tid te kieken), het bergklassement, het klassement voor de beste jongere, de aanvalslust,...

West-Vloandern eit êen wielerronde: de Driedoagse van De Panne.

Subdisciplines en specialisoasie

Der bestoan verschillende types van renners, noargelang under kwaliteit'n (vôorbeeld de sôorte spiern da ze ein):

  • Sprinters: da zin coureurs die meedoen voo de overwinning oat het peloton in groep ankomt an de finish. Een vôorbeeld es Tom Boonen en Robbie Mc Ewen.
  • Tidridders: zin coureurs die goe zin in nen tidrit, die dus zêre allêne keun rien. Tes het slag coureurs die, os ze meekeun'n in de bergen, nohal dikwijls favoriet zin voo de eindoverwinninge in een wielerronde. Vôorbeeld: Lance Armstrong
  • Klimmers: gasten die gemakkelijk bergip keun'n rien. Vôorbeeld: Marco Pantani, Lucien Van Himpe en ier ôok Lance Armstrong
  • Aanvallers: coureurs die geirne in de ontsnappinge goan, mêestal in vlakke ritt'n en zogenoamde overgangsritten (ritten tussen twêe bergritten in). Vôorbeeld: Johan Museeuw, Nico Mattan.

Verder weirden coureurs nog in twêe categorieën onderverdêeld:

  • Kopmann'n: gasten die êen van de kwaliteit'n van ierbôovn ein, en dus doardeure veel winn'n.
  • Knecht'n: die iets mindere kwaliteiten ein, en doardeur vôoral de kopmann'n moeten elp'n (vb. woater goan oaln bie de ploegleider, tempo bepoaln van het peloton, de kopman ut de wind zett'n, nen velo ofstoan an de kopman o tie plat riedt,...).

Strategieën

Patrick Lefèvere Der zin verschillende strategieën:

  • O ne ploeg nen goeien sprinter in us eit, goan ze trachten om het peloton tope te oudn tot an de mete.
  • Ploegen zonder sprinter goan aanvalln, da wil zeggen: nen coureur goat trachten te demarreren ut het peloton en allêne, of in een klêen groepke de mete tracht'n te oaln.
  • In een bergrit zal nen ploeg met nen goeie klassementsridder de koerse tracht'n te controleern deur zin ploeg het tempo te loaten bepoalen. Klassementsridders die goe bergip keun'n rien goan ton ip de latste bergen trachten te demarreren.

Doping

De koerse es een sport die nogal geploagd es van Dopinge, wa nen smet legt ip hêel de sport.