Regio (Vrankryk)

De 22 Europeesche regio's toet 31 december 2015

De Fransche regio's zyn d'ogste besteurlikke entiteiten in de Fransche Republiek, up de nationoale overeid na.

Besteurlik

In tegenstellienge tot de Belgsche regio's ein de Fransche regio's helegansn gin autonomie. Z'ein gin eigen parlement, regerienge of executieve en keun dus ook gin eigen wettn stemmn. 't Fransche es osan een unitaire stoat gebleevn.

Sinsn 1982 ein de regio's wel eigen gewestroadn (conseillers régionaux) die olle zes joar direct verkoozn zyn. Under rolle es beperkt tot openboare dienstverlenienge (services publiques). Ze krygn van de nationoale overeedn wel grote sommn geld toegeschoovn die ze zelve meugn besteen.

Olle regio's bestoan uut één of meerdere klindere besteurlikke entiteitn, de departementn.

In juli 2014 èt 't Frans Parlement e wet gestemd over e fusie van de regio's. Vanof 1 januoari 2016 wordt 't antal regio's verminderd van 22 noa 13.

De regio's

De meeste regio's (22) liggn binn de grenzn van 't land zelve (France métropolitaine). Vuuf regio's liggn overzee (régions d'outre-mer).

• De 22 binnenlandsche regio's:

Alsace (Elzas) Aquitaine (Aquitoanië) Auvergne Basse-Normandie (Lêeg-Normandië) Bourgogne (Bourgondië) Bretagne Centre Champagne-Ardenne Corse (Corsica) Franche-Comté Haute-Normandie (Hoog-Normandië)

12. Île-de-France 13. Languedoc-Roussillon 14. Limousin 15. Lorraine (Lotharingen) 16. Midi-Pyrénées (Zuud-Pyreneeën) 17. Nord-Pas-de-Calais (Nôord-Nauw van Kales) 18. Pays de la Loire (Landn van de Loire) 19. Picardie (Picardië) 20. Poitou-Charentes 21. Provence-Alpes-Côte d'Azur 22. Rhône-Alpes

Corsica eit en eigen statuut gekreegn (collectivité territoriale) da verschilt van de 21 andere regio's.

• De vuuf overzeese regio's zyn tegelykertyd ook departement (département d'outre-mer). Die regio's bestoan dus moar uut één departement (région mono-départementale):

Guadeloupe Frans-Guyana Martinique Mayotte Réunion