Boudewijn Seapark

't Boudewien Seapark is gelegen in Brugge. 't Ligt e bitje buut'n t'centrum in Sinte-Machiels en bestoat uut 't dolfinarium en 't Boudewienpark tôpe.

't Dolfinarium

In 't Boudewien Seapark e je 't modernste en grôotste dolfinarium van Europa. J'et doar a Seapark me dolfientjes, zeeonden en zeeleeuwen.

Ze zwemmen doar allemoal in e dolfidroom: da dis e vrei grôote koepel van biena en alve ectare. De bassing eit e wateroppervlak van 850 m² en is 6 mèters diepe. Je ku goan kieken naar verschillende shows, d'er is ploatse van 1500 menschen.

Ze doen doar ook onderzoeken.

Ze doen wetenschappelijk onderzoek me 3 dolfientjes van 't park. Ze noemen Milo, Yotta en Flo. Die drie dolfientjes zetten under dagelijks in. Ze doen onderzoek vo te kieken oe da ze dervoare kunnen zorgen dan d'andere dolfientjes niet me vaste koamen te zitten in de netten tiedens de visvangste. Want doardeure sterven der elk joar vele beestjes doordat ze stikk'n (ze zitten vaste in die netten, en dolfientjes en 't nodig vo af en toe e ke na boven te komen vo t' oasemen, en ols ze da nie kunnen, dan stikken ze).

Ze doen schoolvoorstellingen en andere educatieve project'n. Ook zien ze bezig met een pilootstudie over revalideren met de dolfientjes.

Andere interessante activiteit'n

J'et ook een roofvogelpresantatie. Je ziet doa zee-arends, gieren, ulen, valken,... 't Is een interactieve voorstellinge. Der zien ook vele papegoaien, me vele klurtjes. Missschienst koamen ze zelf op je schoeder zitten.

Zen ook nog een diernpark me vannolles en nogwa. Je ku de beestjes strelen, je ku 't ermee babbelen, ... Ook e je nog vele attracties lik bievoorbeelde de Orca Ride, t' Piroateschip, en de nieuwste attractie: Hurricane. Vo de hele kleine kiendjes e je ook nog t'speelparadies (me e bollenbad, klimrekken en slierboanen) en vo de hele hele hele kleine kientjes is 't er Bambinoland.

Under website

• Boudewijn Seapark