Geike Arnaert

Geike Arnaert (2007)

Dit artikel es geschreevn in 't Poperiengs, en da zou best ozô bluuvn.

---

Geike Arnaert (Poperienge, 13 september 1979) is e zangeresse.

Geike Arnaert is opegroeid in Westouter, e dêelgemêente van Euvelland. Ze komt uut e muzikoale familie: neur moeder speelde piano, en neur voader wos dj op trouwfêestn.

De zangkwaliteiten va Arnaert zyn in Westouter ondekt. Toen a ze 9 wos, won ze 't zangcrochet in Westouter mè e liedje van Ingeborg. Op neur 15 zat ze in e rockgroeptje Bottled in Belgium. In de wedstryd Westtalent woarn ze twidde.

E goe twi joar loater (begun 1998) kwam Geike Arnaert by Hooverphonic da internationaal ol goed ekend wos. Ze wos doamei ol de vierde zangeresse va Hooverphonic.

In 2008 stopt Geike met Hooverphonic. Ze begunt an e solo-carrière. In 2010 bryngt ze e ploate uut met de zanger van Spinvis. Nundern groep noemt Dorléac.

Ploatn va Hooverphonic mi Geike Arnaert

• Blue Wonder Power Milk (1998)
• The Magnificent Tree (2000)
• Hooverphonic Presents Jackie Cane (2002)
• Sit Down and Listen to Hooverphonic (2003)
• No More Sweet Music (2005)
• The President Of The LSD Golf Club (2007)

Duettn

• Arnaert zoung in 2008 e duet mi Bobbejaan Schoepen. 't Liedje Le temps des cerises stoat op zyn album.

• Z'is ouk t'ôorn op Bjistje in min uoft, e liedje van Flip Kowlier.

• In 2018 zoung ze t'ope me BLØF uut Olland: Zoutelande wos nummer 1 in Nederland en Vloandern.

Externe koppeliengn

• Neurn eign website (weinig updates)
• Website va Hooverphonic