Vermandois

Vermandois was e groafschap in 't nôordn van Vrankryk, geleegn round Vermand, nu e gemêente in 't departement Aisne in Picardië. 't Komt overêen met 't arroundissement Saint-Quentin.

Ounder de Karoliengers

't Êeste Huus van Vermandois, van ca. 886 tout 1080, wierd ook de Herbertynn genoemd, omdan der verschillige groavn by woarn mè de noame Herbert. 't Was e joungern tak van de Karoliengers, die ofstamde van Bernard van Italië, e klêenzeune van Karel de Grôotn.

Der was al sproake van Vermandois in den tyd van de Meroviengers, moa Bernards zeune, Pepeyn van Vermandois, die groaf ten nôordn van de Seine was, zoudt den êestn erfelikke groaf van Vermandois gewist zyn.

Pepeyns klêenzeune Herbert II van Vermandois ha gin scrupules vo de macht van 't Huus van Vermandois uut te breidn en je zette de keunienk van West-Francië Karel den Simpeln zes joar gevangn. Zyn voader Herbert I van Vermandois was in 902 vermôord gewist in ipdracht van de groaf van Vloandern Boudewyn II uut bloedvroak.

Herbert I had in 896 Boudewyns broere Rudolf, de groaf van Cambrai vermôord, achter dat 'n Arras, St. Quentin en Péronne ha moetn ofstoan.

In 1077 krêegt de latste groaf van 't êeste Huus Vermandois, Herbert IV, 't groafschap Valois langs zyn vrouwe Adelaide van Valois. Under dochter Adelaide van Vermandois trouwde met Hugo, e zeune van keunienk Henri I en e joungere broere van Philippe I.

Hugo volgde zyn schonvoader ip in 1080 en je was doamee de stichter van ’t twidde huus van Vermandois ounder de Capetiengers.

Ounder de Capetiengers

't Woapnschild van de groavn van Vermandois ounder de Capetiengers

Den oudstn zeune van Hugo en Adelaide was Raoul I van Vermandois. Zyn jounges woarn: Mè zyn êeste vrouwe:

• Hugo II, die in 1160 monnik kwam

Mè zyn twidde vrouwe Petronella van Aquitanië:

• Elisabeth, in 1159 getrouwd mè Filips van den Elzas, groaf van Vloandern
• Raoul II, getrouwd mè Margaretha van den Elzas. Je volgde zyn halfbroere Hugo ip, moa je krêeg lepra en je stierf zounder erfgenoam. Zyn schônbroere Filips van den Elzas volgdeg hem ip.

Mè zyn derde vrouwe Laurette van den Elzas, dochter van Diederik van den Elzas:

• Eleonora

Deur zyn huwelik mè Elisabeth van Vermandois in 1159, krêeg Filips van den Elzas Vermandois, Amiens en Valois, woadeure da zyn machtsgebied in 't zuudn nu tout an 't Île de France (et Frãns krôondomein) kwam.

In 1181 begost keunienk Philippe Auguste een oorloge teegn Filips van den Elzas en in 1183, achter den dôod van van den Elzas zyn vrouwe Elisabeth, eiste Philippe Auguste heur bezittiengn ip. Je krêeg ze by 't verdrag van Boves in 1185, moa d'overêenkomste was da Filips van den Elzas Vermandois mocht houdn tout an zyn dôod.

Achter zyn dôod in 1191 kwam ter e nieuw arrangement vor Eleonora. Zy krêeg vo de reste van heur doagn 't ôostn van Vermandois en den titel van gravinne van Saint-Quentin.

In 1214 gaf z'heur titels ip en ze trok heur were in e klôoster, woardeure da de reste van Vermandois ook by Vrankryk kwam.

Groavn van Vermandois

Karoliengers (Herbertynn) (ca. 886-1080)

• Pepeyn (ca. 886-892)
• Herbert I (892-907), zyn zeune
• Herbert II (907-943), zyn zeune
• Albert I (943-987), zyn zeune
• Herbert III (987-997), zyn zeune
• Albert II (997-1035), zyn zeune
• Otto (1035-1045), zyn broere
• Herbert IV (1045-1080), zyn zeune

Capetiengers (1080-1214)

• Hugo I (1080-1102), zyn schônzeune
• Raoul I (1102-1152), zyn zeune
• Hugo II (1152-1160), zyn zeune
• Raoul II (1160-1167), zyn halfbroere
• Filips van den Elzas (1167-1191), zyn schônbroere
• Eleonora (1191-1214), zyn schônzuster

1214: Vermandois komt by Vrankryk ounder keunienk Philippe Auguste

Stamboom van de Herbertynn

Karel de Grôotn, keunienk van de Frankn en keizer van 't Hillig Rôoms Ryk  
X Hildegarde van Vintzgau
│
Pepeyn van Italië (777 † 810), keunienk van Italië (781-810) 
│
├─> Bernard van Italië (797 † 818), keunienk van Italië (813-817)
│   X Cunegonde
│   │
│   └─> Pepeyn II, groaf ten nôordn van de Seine
│       │
│       ├─> Bernard van Laon
│       │
│       ├─> Pepeyn van Senslis
│       │   ?
│       │   ├─> Bernard van Beauvais
│       │   │
│       │   └─> ?
│       │       │
│       │       └─> Theodoric 
│       │
│       ├─> Herbert I van Vermandois (ca.850 † 900/907)
│       │   │
│       │   ├─> Herbert II de Vermandois (880 † 943) 
│       │   │   X Adele van Vrankryk 
│       │   │   │
│       │   │   ├─> Odo van Amiens 
│       │   │   │
│       │   │   ├─> Adele van Vermandois († 960)
│       │   │   │   X 934 Arnulf I van Vloandern (890 † 964)
│       │   │   │
│       │   │   ├─> Hugo van Reims (920 † 962)
│       │   │   │
│       │   │   ├─> Liutgarde van Vermandois
│       │   │   │   X 1) 937 Willem I van Normandië († 942)
│       │   │   │     2) 943 Thibaud I van Blois († 975)
│       │   │   │
│       │   │   ├─> Herbert III van Omois
│       │   │   │   X Eadgifu van Wessex
│       │   │   │
│       │   │   ├─> Robert I van Meaux
│       │   │   │   X Adelaide Werra
│       │   │   │   │
│       │   │   │   ├─> Herbert II van Troyes (950 † 995)
│       │   │   │   │   │
│       │   │   │   │   └─> Etienne I van Troyes (995 † 1021)
│       │   │   │   │
│       │   │   │   ├─> Adele (v.950 † 974))
│       │   │   │   │   X 965 Godfried I van Anjou († 987)
│       │   │   │   │
│       │   │   │   └─> dochter X 970 Karel van Lêger-Lothariengn
│       │   │   │
│       │   │   └─> Albert I van Vermandois
│       │   │       X Gerberga van Lothariengn
│       │   │       │
│       │   │       ├─> Herbert III van Vermandois (942 † 993/1002) 
│       │   │       │   │
│       │   │       │   ├─> Albert II van Vermandois (977 † 1015)
│       │   │       │   │
│       │   │       │   └─> Otto van Vermandois (979 † 1043)
│       │   │       │       │
│       │   │       │       ├─> Herbert IV van Vermandois (1028 † 1080)
│       │   │       │       │   X Adelaide van Valois
│       │   │       │       │   │
│       │   │       │       │   ├─> Odo
│       │   │       │       │   │
│       │   │       │       │   └─> Adelaide van Vermandois
│       │   │       │       │       X 1080 Hugo I van Vermandois (de Grôotn) (ca. 1057 † 1102)
│       │   │       │       │
│       │   │       │       ├─> Simon
│       │   │       │       │
│       │   │       │       └─> Peter
│       │   │       │
│       │   │       ├─> Otto I van Chiny
│       │   │       │
│       │   │       └─> Liudolf, bisschop van Noyon
│       │   │
│       │   ├─> Beatrice van Vermandois
│       │   │   X Robert I, († 923) keunienk van West-Francië (Vrankryk)
│       │   │
│       │   └─> Cunegonde
│       │       X 915 Odo I van Wetterau
│       │
│       ├─> Cunegonde
│       │
│       └─> dochter (Adele ?)
│           X 1) [[Berengar II, markgroaf van Neustrië
│             2) Guy van Senlis
│
├─> Adelaide
│
├─> Adula
│
├─> Goundrade
│
├─> Berthe
│
└─> Theodrade