Donau

De riviere de Donau in Europa

De Donau in Weenn, up den achterground UNO-City

De Donau is met 2414 kilometers de twidde langste riviere van Europa achter de Wolga. De riviere ountspriengt in 't Zwarte Woud achter soamnvloeiienge van de Brigach en de Breg in Donaueschingn in Duutsland. Steedn lik Weenn, Bratislava, Boedapest en Belgrado liggn an de Donau. De Donau is e gemengde riviere, da betêkent da ze gevoed wordt deur smeltwoater en reegn. De riviere is een belangryke voarroute voe de scheepvoart, de visschery en 't toerisme. In 1992 wierd de Donau deur middel van 't Reyn-Main-Donaukanoal met de Main en de Reyn verboundn. Azzo kwam 't er e nieuwe voarroute tusschn de Nôordzêe en de Zwarte Zêe toet stand.

De riviere de Donau is in drieën verdêeld wat dat de noame betreft: de "Boovn-Donau" lopt van Kelheim toet Passau 188 km, van Passau toet Linz 91 km, van Linz toet Weenn 206 km en van Weenn toet Gönyű 138 km. De "Middn-Donau" lopt van Gönyű toet Boedapest 144 km, Boedapest toet Moldova Veke 599 km en Moldova Veke toet Turnu-Severin 117 km. De "Beneedn-Donau" lopt van Turnu Severin toet Brăila 761 km en van Brăila toet Sulina 170 km.

Landn woar dat de Donau deure strôomt

De Donau strôomt vanof 1,4 km ten ôostn van Donaueschingn in Duutsland deur Ôostnryk, Slovakeye, Hongareye, Kroatië, Servië, Bulgareye, Roemenië, Moldavië, Oekraïne en via de Donaudelta moundt ze uut in de Zwarte Zêe.

Geschiedenisse van de Donau

Al in de 7e êeuwe voe Christus voardn d'oude Griekn vanof de Zwarte Zêe de Donau up.

Ofbeeldiengn die ier by passn ku je vien in de categorie Donau van Wikimedia Commons.

Referensjes

• Donau - Biografie van een riviere - liberales.be