Butstekker: verschil tussen versies
Geen bewerkingssamenvatting |
Geen bewerkingssamenvatting |
||
Regel 13: | Regel 13: | ||
|auteur=[[Carolus Linnaeus|Linnaeus]] |
|auteur=[[Carolus Linnaeus|Linnaeus]] |
||
|datum=1758}} |
|datum=1758}} |
||
[[File:Phalacrocorax carbo MHNT.ZOO.2010.11.46.1.jpg|thumb| ''Phalacrocorax carbo'']] |
|||
De geweune '''butstekker''' (''Phalacrocorax carbo'', Nederlands: ''aalscholver''), is e groôte woater[[veugel]] uut de [[familie (biologie)|familie]] van de butstekkers (Phalacrocoracidae), woavan dat er zeker 40 soôrtn bekend zyn. |
De geweune '''butstekker''' (''Phalacrocorax carbo'', Nederlands: ''aalscholver''), is e groôte woater[[veugel]] uut de [[familie (biologie)|familie]] van de butstekkers (Phalacrocoracidae), woavan dat er zeker 40 soôrtn bekend zyn. |
||
== Uutzicht == |
== Uutzicht == |
Versie van 4 mrt 2019 14:33
Butstekker | |||||||||||||
---|---|---|---|---|---|---|---|---|---|---|---|---|---|
Taxonomische indêlienge | |||||||||||||
| |||||||||||||
Soorte | |||||||||||||
Phalacrocorax carbo Linnaeus, 1758 |
De geweune butstekker (Phalacrocorax carbo, Nederlands: aalscholver), is e groôte woaterveugel uut de familie van de butstekkers (Phalacrocoracidae), woavan dat er zeker 40 soôrtn bekend zyn.
Uutzicht
Butstekkers zyn pelikoanachtigen mè glanzende zwart-groene en brune pluumn en een ipvallnde witte koake met e gilwe vlekke an under bek. Z'hèn e lange slanke nekke en ip de boovnkant van under bek zit er een hoak. De vlerkn hen e spanwydte van e meter. Under poôtn hèn zwemvliezn woadeure dan ze goed kunn zwemmn. Ze vangn vis deur te duukn.
Leevnswyze
Butstekkers rustn dikwils uut in groôte groepn ip zandbankn, rotsn, stoakn of in boomn. Z'hèn gin vetloage die lik by andere woaterveugels woater ofstoôt en doarom zittn ze dikwils met oopn vlerkn in de zunne vor under te droogn. Under pluumn loatn woater deure anders zoun ze nie kunn duukn. Ze vliegn in V-vorm.
Eetn
Butstekkers eetn doageliks zeker 500 gram vis, moar ook schoalbeêstn en amfibieën. Ze duukn zowel in zoet, zout of brak woater. Ze kunn langer of e minute oender woater bluuvn en mè zwemvliezn an under poôtn kunn ze goed achter under prooie zwemmn.
Voôrtplantienge
Butstekkers zyn styve sociale beêstn. Ze broedn dichte neffest mekoar in kolonies. 't Nest bestoat uut takkn. De wuvetjes leggn 3 á 4 blauwe eiers die met e krytloage bedekt zyn. De joengsjes vliegn al achter twèe moandn uut en achter twèe joar zyn ze vulwassn.
Verspreidienge en leefgebied
Butstekkers leevn ip al de continentn van d'eirde, in kustgebiedn van zeeën en by meern.
In Afrika en Azië wordn speciaal getrainde butstekkers gebruukt vo vis te vangn vo de mens. E rienk roend under nekke belet dan ze de prooie zelve zoun inzwelgn.
De butstekker is e beschermde veugelsoôrte. In 2008 en 2009 was ter een heftige stryd tusschn veugelbeschermers en sportvisschers over de vroage of dat de butstekker e beschermde veugelsoôrte moe bluuvn of nie.
Oendersoôrtn
- Phalacrocorax carbo carbo
- Phalacrocorax carbo hanedae
- Phalacrocorax carbo lucidus
- Phalacrocorax carbo lugubris
- Phalacrocorax carbo maroccanus
- Phalacrocorax carbo novaehollandiae
- Phalacrocorax carbo sinensis
- Phalacrocorax carbo steadi
Externe koppelienge
Mêer ofbeeldiengn die ier by passn ku je vien ip Phalacrocorax carbo ip Wikimedia Commons. |