Alpes-Maritimes

Alpes-Maritimes (06)
Liggienge binn'n Vrankryk
Regio	Provence-Alpes-Côte d'Azur
Hoofdstad (Préfecture)	Nice
Sous-préfectures	Grasse
Ippervlak	4.299 km²
Inweuners Bevolkiengsdichtheid	1.083.704 (2016) 252 inw./km²
Arrondissementn	2
Kantongs	27
Gemêentes	163
{{{foto}}} {{{byschrift}}}

Alpes-Maritimes (04) (somstekêe in't Vlams ôok wel "Zêe-Alpn" genoemd) es en departement in de regio Provence-Alpes-Côte d'Azur in 't zuudôostn van Vrankryk. Inweuners van Alpes-Maritimes wordn Maralpins genoemd.

Geschiedenisse

't Departement Alpes-Maritimes ountstound in 1793 ton da Vrankryk achter de Fransche Revoluusje 't Groafschap Nizza en 't vorst'ndom Monaco annexeerdigde. In dien tyd bestound et departement ollemo uut groundgebied van't uudige arroundissement Nice mè Monaco en e stik van't uudige Ligurië round San Remo derby. Deur d'Êeste Vrede van Parys van 1814 wierd die annexoasje g'annuleerd en stopte 't departement mè te bestoan.

In 1860 wierd et departement were ipgericht achter d'annexiasje van't Graafschap Nizza, mè dorby nog de stee'n Menton en Roquebrune, die ulder van Monaco ad'n ofgeschêed'n. An't eripgerichte departement wierd ôok e gedêelte van't departement Var bygesmeetn (zynde 't groundgebied van't uudige arroundissement Grasse). Da's ôok woaroum da de riviere de Var (die in dien tyd de schreeve vormdigde tusschn Vrankryk en't Groafschap Nizza) nie mêe deur 't gelynoamige departement lôopt. De riviere es vormt nu de scheudienge tusschn d'arroundissementn Nice en Grasse.

In 1947 wierd et departement Alpes-Maritimes deur de Vrede van Parys van't zelfde joar uutgebreyd mè de gemêentn Tende en La Brigue. Die gemêentn woarn ôorsprounkelyk by de verdêelienge van't Groafschap Nizza in 1861 by Itoalië gestookn, mor achter den Twiddn Weireldoorloge koozn ze by en volksroadpleegienge vo by Vrankryk te zittn.

Geografie

Alpes-Maritimes ligt an de Middellandse Zêe. 't Grenst an de Fransche departementn Var en Alpes-de-Haute-Provence. 't Grenst ook an Itoalië (mêer bepoald an de regio's Piëmonte en Ligurië) en an Monaco.

Alpes-Maritimes bestoat uut twêe arroendissementn (Nice en Grasse), 27 kantongs en 163 gemêentes. De grotste gemêentes noar inweunertal zyn Nice, Antibes, Cannes, Grasse en Cagnes-sur-Mer. In't departement liggn der twêe nateurparkn: 't Nationoal park Mercantour (ôog in d'Alpn olangsen de schreeve mè Itoalië) en 't Regionoal nateurpark Préalpes d'Azur (by 't schêe'n mè 't departement Var, o de nôordkantn van Grasse).

De langste riviern van't departement zyn de Var, de Cagne, de Loup en de Siagne.

Externe koppelienge

• Officiën site van't departement Alpes-Maritimes

Ofbeeldiengn die ier by passn ku je vien in de categorie Alpes-Maritimes van Wikimedia Commons.