Passchendoale (Zunnebeke)

Tyne Cot cemetery in Passchendoale

Passchendoale (te plekke oek Passendoale, Nederlands: Passendale) is e parochie in Grôot-Zunnebeke. 't Weun biekans 3000 menschn en 't is achter Zunnebeke zevve de grotste dêelgemêente.

Voe vele Iengelsche is Passchendoale oek synoniem me d'elle, degêne die nie dôod woar'n, zei'n dazze de psychisch'n dôod an gevoen (They call it 'Passion-dale' ). In 1917 is 't er doar êen van d'ergste veldsloagen uut 'n Êesten Weireldôorlog uutevochtn: de Slag om Passchendoale (oek ekend oender de noame Derde Slag om Ippr) ongeveer en 100 000 soldoatn in 3 moand'n zien doar esneuveld. Vogens d'overleverienge woar'n de veldn nie groen of nie bruun, mo rôod van ol't bloed. Tyne Cot Cemetery is 't er 't bewies van: dat is 't 5de grotste kerkof upt vaste land voe Iengelsche soldoat'n.

N' Iengelsch'n heavy metalgroep Iron Maiden et er oek 't numer Paschendale van emakt up nundern CD Dance of Death uut 2003.

Bezienswoardigheden

• Sint-Audomaruskerk
• D'oude koasmoakerie
• Tyne Cot Cemetery
• Andre oorlogsmonnement'n: Canadian Memorial, New-Zealand Memorial, Australian Memorial, New British Cemetery

Koas

Paschendoale i setoe ekend van ze koas (Passendale), die nu stief ekend is in hêel de Vloanders deur de reklamme upn tilleviezje. Ieder joar is er oek e koasstoet.

Externe koppelienge

• Museum over 'n ôorlog
• Toerisme in Zunnebeke
• D'oude koasmoakerie