Adela van Mêesn: verschil tussen versies

Van Wikipedia
Verwijderde inhoud Toegevoegde inhoud
k sv 1.1a
Astro (discuusjeblad | bydroagn)
Regel 12: Regel 12:


== Achter neurn dôod ==
== Achter neurn dôod ==
Adela is loater van tyd zoalig verkloard. Neurn fêestdag volt op [[24 februoari]]. Oender de Sint-Nikloajkerke in Mêesn, in de Romaanse crypte, legt er e gedenkploate ter êre van Adela.
Adela is loater van tyd zoalig verkloard. Neurn fêestdag volt op [[24 februoari]]. Oender de [[Sint-Nikloajkerke (Mêesn)|Sint-Nikloajkerke]] in Mêesn, in de Romaanse crypte, legt er e gedenkploate ter êre van Adela.


[[Categorie: Mêesn|van Mêesn Adela]]
[[Categorie: Mêesn|van Mêesn Adela]]

Versie van 4 mrt 2007 14:53

Dit artikel es geschreevn in 't Mêesns, en da zou best ozô bluuvn.


Adela van MêesnVrankryk 1009 - Mêesn 8 januoari 1079), oek gekend lyk Adela va Vrankryk of Adela Capet. Adela wos e dochter van Robert II, e keunienk va Vrankryk, en Constance van Arles.

Neur leevn

Ze wos êest getrouwd mè ertog Richard III van Normandie. Achter zin dôod is ze in 1028 ertrouwd me groaf Boudewijn V van Vloandern. Tope me nem a ze 4 joens: Boudewijn VI, Mathilda van Vloandern (die trouwde me Willem de Veroveraar), Robrecht I van Vloandern en Hendrik van Vloandern.

Toen da Boudewijn V van Vloandern dôod wos in 1067, gienk Adela na d'abdie va Mêesn. In 1057 adde ze doa e klôoster (in de orde va Sint-Benedictus) esticht voe Fransche edeldames.

De legende van Adela

Toen da Adela in Mêesn kwam weun, krêeg ze van Willem van Mêesn, patriarch van Jeruzalem, e stiktje out van 't kruus woa da Jezus van Nazareth a gestorven wos. Op e nacht krêeg Adela e visioen. E vrouwe vroeg neur om e procesje te doen mè die relykwie. Adela stoeg op en ze voenk e rôon droad op 't altaar in de kerke. Op neur kniejn en elleboogn voogde ze dien droad, en neur volgeliengn markeernde de route da ze dèi. Da wos 't begun van 'n Grôotn Kêer, e processje die nu nog ossan in Mêesn bestoat. Ze begunt op 'n dag van de Eilige Kruusvereffyng (14 september) en deurt neegn doagn.

Achter neurn dôod

Adela is loater van tyd zoalig verkloard. Neurn fêestdag volt op 24 februoari. Oender de Sint-Nikloajkerke in Mêesn, in de Romaanse crypte, legt er e gedenkploate ter êre van Adela.