Freinetounderwys: verschil tussen versies

Van Wikipedia
Verwijderde inhoud Toegevoegde inhoud
Filibertus (discuusjeblad | bydroagn)
freinet oenderwys (in de cat is de y nog nie ingevoerd?)
 
Filibertus (discuusjeblad | bydroagn)
kGeen bewerkingssamenvatting
Regel 21: Regel 21:
*De Boomhut (Sint-Andries-Brugge) [[http://www.deboomhut-freinetschool.be]]
*De Boomhut (Sint-Andries-Brugge) [[http://www.deboomhut-freinetschool.be]]
*De Levensboom (Marke-Kortik en Wevelgem) [[http://www.levensboom.be/]]
*De Levensboom (Marke-Kortik en Wevelgem) [[http://www.levensboom.be/]]
*De Tandem (Sint-Krûs-Brugge) [[freinetschool.detandem@scarlet.be]]
*De Tandem (Sint-Krûs-Brugge) [[http://freinetschool.detandem@scarlet.be]]
*De Torteltuin (Poperinge) [[http://www.detorteltuin.be/]]
*De Torteltuin (Poperinge) [[http://www.detorteltuin.be/]]
*De Zonnebloem (Oostende) [[http://users.pandora.be/zonnebloem/]]
*De Zonnebloem (Oostende) [[http://users.pandora.be/zonnebloem/]]

Versie van 11 mrt 2007 15:42

Et Freinetoenderwys bazeert em ip de principes van Célestin Freinet (Gars, 15 oktober 1896 – Vence, 8 oktober 1966).

Oentstoan

Freinet was in 1913 begost an z’n studies vor oenderwyzer, mor in 1915 wiert ie ipgeropen ols soldoat in den Êest'n Weireldoorloge, wo dat ie in 1916 een schot in z’n loengen kreeg wodeure dat ie loater orlogsinvaliede verkloard werd. In 1920 kreegt ie z’n benoeminge ols oenderwyzer in e schooltje in Le Bar-sur-Loup in Zud-Frankryk. Deur z’n slichte loengen en omda ze stemm nie zo sterk was goenkt ie vele me de kienders van ze klasse gon wand’len in ’t dorp. Azo zaagt ie dan de kienders die in de klasse byna gin intresse aan, bûten de klasse ollesoarte vragen stelden en styf curieus woaren no vanolles. Ip den deur begost ie roend die ervoaringe me de kienders te klappen en je zaagt dan ze oltyd mor entoesiaster werden: je liet ze do roend schryven, en ze mochten zelve oenderzoekstjes doen en boekstjes maken. In 1923 kost ie een drukperstje ip de kop tikken wodaan ze kienders ton ôok mee kosten werken. Freinet begost over z’n ervoringen met and’re oenderwyzers te corresponderen en stilletjesan oentstoend er een Freinetbeweginge. In 1928 verûsdet ie me z’n vrouwe Elise no Saint-Paul wo dat ie in een schooltje in een arbeiderswyke z’n methode begoste te gebrûken. Omdat ie em ôok begost te moeien me de recht’n van de geweune man, kwaamt er ût bepaald’ oeken kritiek ip z’n maniere van werken, zodonig zelfs dat ie in 1933 oentslegen werd ût et Franse openboar’ oenderwys. Mor in 1934 aat ie ol een ûs gekocht in Vence dat ie me z’n lèèrlingen toet een schole ommebouwde. Achter de twède wereldorloge begost ie mèèr en mèèr succes te krygen: der werden congressen g’organisèrt en Freinet schreeft verschill’nde boeken. Je stierf ip 8 oktob’r 1966 en je werd in z’n gebôortedorp Gars begraven, in de nateure wodat ie zovele inspirotie ût hold aat..

De principes

De technieken en de methoden van Freinet moen der voaren zorgen da:

  • d’ervoringen van de kienders et ûtgangspunt zyn vo wa dan ze lèren
  • de kienders zelve voar een zo groat meugelik stik verantwoardelik zyn vo d’organisatie van ‘t leven in de klasse
  • de kienders lèren van de ervoringen van and’re kienders, groate mensen, enz. Den ipdracht van de lèèroare is vo do structeur en diepgang in an te briengen.
  • d’ ipvoedinge in de schoole gebeurd in een democratisch overleg en in een sfeer van ’t ope de diengen doen.

Freinetscholen in West-Vloand’ren

In West-Vloand’ren zyn der verschill’nde Freinet-scholen:

  • De Boomhut (Sint-Andries-Brugge) [[1]]
  • De Levensboom (Marke-Kortik en Wevelgem) [[2]]
  • De Tandem (Sint-Krûs-Brugge) [[3]]
  • De Torteltuin (Poperinge) [[4]]
  • De Zonnebloem (Oostende) [[5]]
  • Het Reuzenhuis (Tielt) [[6]]
  • Klimop (Oostkamp) [[7]]