Egel: verschil tussen versies

Van Wikipedia
Verwijderde inhoud Toegevoegde inhoud
Tbc (discuusjeblad | bydroagn)
iw, misschien e goede gewente van maken vo dat toe te voegen?
Meuzel (discuusjeblad | bydroagn)
Geen bewerkingssamenvatting
Regel 45: Regel 45:


[[nl:Egels]]
[[nl:Egels]]
[[en:Hedgehogs]]

Versie van 22 mrt 2007 16:37

Egels (Erinaceus europaeus, West-Europeeschn egel) zyn zoogbêestn die in West-Vloandern vele vôornkomn, je zie ze geregeld in ovetjes. Ze setoe bekend omdanze up nundern rik stekkers en.

Uutzicht

Egels kunn bikan 30 cantmeiter lank komn en z'en oek e stief kort stirtje. Nunder boovnkant stoa hêlegans vul me stekkers, die vanoendern doenker zyn en vanboovn lichter. Nundern oenderkant e gin stekkers, mo wel bruun, steeg oar.

Ze kunn mêer of e kilo weegn.

Verspreidieng en leefgebied

Egels komn vôorn van Ierland toet Roemenië en van Scandinoavië toet Italië en 't Iberies schiereiland. Ze zyn oek uutezet in Nieuw-Zêeland, voe fernient up 't eetn.

In Ôost-Europa komt 'n Ôost-Europeeschn egel vôorn (Erinaceus concolor).

Egels leevn in busschn en up stikkn, mo 't zittn der oek geweune in ovetjes.

Leevnswyze

Teetn

Egels eetn vanolles, mo setoe fernient en slekkn. 't Zyn dus nuttige bêestn voe menschn met ovenierienge. 't Gebeurt oek danze paddestoeln of fruut eetn. Ze zoekn da teetn setoe by nachte.

't Is best voen egels gin teetn bie te geevn. Atter ogliek egeevn is, toene kut oende- of katteteetn wel dienn. Mèèk en aar zuvelproductn meug nôois egeevn zyn, ze kun nie teegn lactose (suker die in zuvel zit) en komn toene ziek.

Vôortplantienge

't Poarn zorg oltemets wel eki voe probleem deur de stekkers. De penis van 't vintje grakt wel nôois eschoendn omdatn oengeveer in de middel van ze buuk zit in te plekke van vanachtern en omdat wuvetje neur vagina nor achtern ku krulln.

Ieder joar kunn egels 1 of 2 nestn van tusschn de 3 en de 6 joengn en. 't Is 't wuvetje die nunder ollêne upkwikt.

Leevn

Ze moakn e masse verschillnde sôortn leevn, van grolln over zuchtn toet schruweln.

Egels kun toet 16 joar oed komn, me da mêeste goan idder dôod. De belangrykste reedn van dôodgoan zyn uutoengerienge beistn de wientersloape (ollêne in koeder streekn, oek oel ier) en overreen zyn deur otto's. Anze verschietn, droain ze nunder in e bolletje. Vlêeseters kun toene mêestol nietnt doen, mor atter en otto rydt nunder in smeus anze dat doen.

Aar benoamiengn

Roend Poperienge zeggn ze everzwientjes teegn egels.