Boudewijn Seapark

't Boedewien Seapark is e pretpark en themapark in de Belgische stad Brugge. 't Ligt e bitje buutn t'centrum in Sinte-Machiels en bestoat uut 't dolfynarium en 't Boedewienpark tôpe.

't Dolfynarium

In 't Boedewien Seapark e je 't modernste en grôotste dolfynarium van Europa. J'et doar a Seapark me dolfyntjes, zeeonden en zeeleeuwen.

Ze zwemmen doar allemoal in e dolfidroom: da dis e vrei grôote koepel van biena en alve ectare. De bassing eit e wateroppervlak van 850 m² en is 6 mèters diepe. Je ku goan kieken naar verschillende shows, d'er is ploatse van 1500 menschen.

Ze doen doar ook onderzoeken.

Ze doen wetenschappelijk onderzoek me 3 dolfyntjes van 't park. Ze noemen Milo, Yotta en Flo. Die drie dolfyntjes zetten under dagelijks in. Ze doen onderzoek vo te kieken oe da ze dervoare kunnen zorgen dan d'andere dolfyntjes niet me vaste koamen te zitten in de netten tydens de visvangste. Want doardeure sterven der elk joar vele beestjes doordat ze stikk'n (ze zitten vaste in die netten, en dolfyntjes en 't nodig vo af en toe e ke na boven te komen vo t' oasemen, en ols ze da nie kunnen, dan stikken ze).

Ze doen schoolvoorstellingen en andere educatieve projectn. Ook zien ze bezig met een pilootstudie over revalideren met de dolfyntjes.

Andere interessante activiteitn

J'et ook een roofvogelpresantatie. Je ziet doa zee-arends, gieren, ulen, valken,... 't Is een interactieve voorstellinge. Der zien ook vele papegoaien, me vele klurtjes. Missschienst koamen ze zelf op je schoeder zitten.

Zen ook nog een diernpark me vannolles en nogwa. Je ku de beestjes strelen, je ku 't ermee babbelen, ... Ook e je nog vele attracties lyk bievoorbeelde de Orca Ride, t' Piroateschip, en de nieuwste attractie: Hurricane. Vo de hele kleine kiendjes e je ook nog t'speelparadies (me e bollenbad, klimrekken en slierboanen) en vo de hele hele hele kleine kientjes is 't er Bambinoland.

Under website

• Boudewijn Seapark