Poater Lievens: verschil tussen versies

Van Wikipedia
Verwijderde inhoud Toegevoegde inhoud
k sv 1.1b
Foroa (discuusjeblad | bydroagn)
k recat
Regel 37: Regel 37:


[[Categorie:Môoslee]]
[[Categorie:Môoslee]]
[[Categorie:Gêestelykke]]
[[Categorie:Gêestelikke]]

Versie van 17 apr 2007 09:54

Poater Constant Lievens es geboren den 10 april 1856 te Môoslee en overleed'n an tèryng ip 7 november 1893. Je wos t zevenste kiend van elve. Zien voadre wos boer. Êet t'grôotste dêel van zin korte leev'n missionaris gewist in India.

Leevn

In 1876 wos Constant Lievens den twidd'n in de retorica van t Kleen Seminoarje in Roeseloare, bie paster-leroare Hugo Verriest. Den eesten wos Albrecht Rodenbach.

Je wilde paster worden, gienk eest vôort leern in tzelfste Kleen Seminoarje en toen in september 1877 noa 't Grôot Seminoarje in Brugge vo theologie te studeern.

J'a geirne Jezuïet-missionaris geworden en doavoorn gingt ie noa 't noviciaat in Drongen.

Den 22 oktober 1880 leit ie zn klôostergeloften of. Dezelfsten dag nog pakteg ie den bôot in Ostende vo noar India te reizn.

In India lêerdne vôort vo paster. In 1883 wierd ie in Calcutta toet paster gewied. Je blêef doa toe 't ende van 't joar lesse geevn.

Calcutta wos 't centrum van de missie van West-Bengalen en Lievens wierd benoemd vo de missie van Chotanagpur.

In 1885 gingt ie noa Torpa. Je probeerde entwa te doen vo de ôorsproenkelyke bevolkienge die uutgebuut wierd. Je makte under surtoe duudlyk da ze up under rechtn moestn stoan. Da zorgde nateurlyk ôok vo hêel wa vryvingn ... Moa je liet em niet doen en wos oenvermoeiboar.

In 1891 kriegt ie 't ôorn dat ie an de tèringe liedt. En zien liefspreuke es nie vo niet "Vier moet branden" want achter tw^^e moanden rust, kêert ie ol were noa Ranchi vo vôort te werk'n. Moar in 1892 kêert ie were noa België vo te probeern te geneezn.

Je sterft de 7 november 1893, nog moa 37 joar oed.

Erkennienge

Standbeeld

Sedert 1929 stoat er up de mart van Môoslee n stanbild van poater Lievens. Poater Lievens up zien peird met n kruusbild in zien and'n en nen Indiër geknield d'ervôorn, die wilt gedopt word'n.

Anikdote: in Slyps zeggn ze dat Lievens Môoslee voorenstelt en dat dienen Indiër Slyps es ... die up zien kniejn mag zittn vo Môoslee.

Zoaligverkloaringe

In 2001 wierd de prossedeure vo zoaligverkloaringe in gank gezet. De postulator es ne vroegern oenderpaster van Môoslee, Odiel Denorme.

Externe koppelienge