Boudewijn Seapark: verschil tussen versies
k →Andere interessante activiteitn: ik zeggen wok uuls, en mosten me twiefeln, 't Brugs wôordenboek zegt da wok:) |
k Boedewien Seapark ernoemd noar Boudewijn Seapark: SV 1.1b |
(geen verschil)
| |
Versie van 17 apr 2007 16:52
't Boedewien Seapark is e pretpark en themapark in de Belgische stad Brugge. 't Ligt e bitje buutn 't centrum in Sinte-Machiels en bestoat uut 't dolfynarium en 't Boedewienpark tôpe.
't Dolfynarium
In 't Boedewien Seapark e je 't modernste en grôotste dolfynarium van Europa. J'et doar e Seapark me dolfyntjes, zeeonden en zeeleeuwen.
Ze zwemmen doar allemoal in e dolfidrôom: dat is e vrêe grôte koepel van biena een olv' ectoare. De bassing eit e woaterippervlak van 850 m² en is 6 mèters diepe. Je ku goan kyken naar verschillende shows, d'r is plekke voe 1500 man.
Ze doen doar ook onderzoekn.
Ze doen weetnschappelik onderzoek me 3 dolfyntjes van 't park. Ze noemen Milo, Yotta en Flo. Die drie dolfyntjes zetn under dageliks in. Ze doen onderzoek vo te kyken oe da ze dervoare kunnen zorgen dan d'andere dolfyntjes niet me vaste kommn te zittn in de nettn tydens de visvangste. Want doardeure sterven d'r elk joar vele beestjes doordat ze stikkn (ze zittn vaste in die nettn, en dolfyntjes en 't nodig vo af en toe e ke na boven te kommn vo t' oasemen, en ols ze da nie kunnen, ton stikkn ze).
Ze doen schoolvoorstellingen en andere educatieve projectn. Ook zyn ze bezig met een pilootstudie over revalideren met de dolfyntjes.
Andere interessante activiteitn
J'et ook een rôofveugelpresentoatie. Je ziet doa zêe-oarends, gieren, uuls, valkn,... 't Is een interactieve vôorstellienge. Der zyn ook vele papegoaien, me vele klurtjes. Misschienst kommn ze zelfs op je schoeder zittn.
Z'en ook nog een diernpark me vannolles en nog wa. Je ku de beestjes strêlen, je kunt ermee babbelen, ... Ook e je nog vele attracties lik byvoorbeeld de Orca Ride, 't Piroateschip, en de nieuwste attractie: Hurricane. Vo de hêle kleine kiendjes e je ook nog 't speelparadys (me e bollenbad, klimrekkn en slierboanen) en vo de hêle hêle kleine kiendjes is 't er Bambinoland.