Leonard Lodewijk De Bo

Leonard Lodewijk De Bo

Leonard Lodewijk De Bo (27 september 1826, Bevern-Leie - 25 ogustus 1885, Poperienge) wos e West-Vlamschn paster en schryver. En is in 't bezoender ekend voe ze Westvlaamsch Idioticon, e verkloarnd wôordnboek va 't West-Vlams.

Ze leevn

Leonard Lodewijk De Bo groeide op in Bevern-Leie. E wos ossa 'n rapsn va de klasse. Atn 14 joar wos, muchn na 't college in Tielt. Doarachter ginkn na 't semenoarie i Brugge. In diejn tyd begustn nem t'interesseern in 't West-Vlams. In 1851 wosn paster ewied, en toen blêefn mêer of twientig joar lêroare an Sint-Lodewyk in Brugge. Loater va tyd wosn paster in Elverdienge, Ruuslee e Poperienge woa datn deekn kwam. In Poperienge goenk'n oek dôod. Z'en nem doa nôojs hêlega vergeetn, want 't is nog ossan e stroate na nem vernoemd: de Deken De Bolaan.

Ze werk

• In 1873 kwam et latste dêel uut van ze Westvlaamsch Idioticon: mêer of 28.000 West-Vlamsche wôordn zyn d'r in besprook'n
• In 1888, drie joar achter ze dôod, kwam oek nog ze Kruidwoordenboek uut, een andere passie van Leonard De Bo.