Scouts

Ofbeeldienge:Baden-powell1.jpg

Robert Baden-Powell

De Scouts (in Zud-West-Vloandern uutgesproken ols 'skoets', en in 't noordn mêer ols 'sjchoets') is de jeugdbeweginge die in 1907 gesticht is deur Lord Robert Baden-Powel. Et is de grotste jeugdbeweginge in ons land vo kienders van 7 toet 18 joar, worachter dan ze ton in de leidienge kunn goan. Over hèèl de weireld zyn der oengeveer 38 miljoen scouts in 217 landn. Et grotste dèèl van de scouts zyn landscouts, mo der bestoan ook zèèscouts - ook in West-Vloandern styf populair. Der zyn twèè federoasies in Vloandern, nl. de Scouts en Gidsen Vlaanderen (vroeger VVKSM) me 72.000 leedn, en de FOS, me 7.300 leedn.

Oenststoan

In 1907 schreef Baden-Powel (Londn, 22 februoari 1857 – Nyeri, Kenia, 8 januoari 1941), een oede Iengelse militair, een boek met ols titel Scouting for Boys (Verkenn vo joenges) met ols oendertitel A Handbook for Instruction in Good Citizenship Through Woodcraft. Et boek was geschreevn vo joenge gasten en et was gebaseerd ip zyn ervoaringn in India, Zuud-Afrika en wa dat ie meegemakt aat binst de belegerienge van Mafeking (Zuud-Afrika) wo dat ie joenge gasten aad ingezet vor ollesoarte ipdrachtn. In 1907 stichttet ie den èèste scouts-groep binst et èèste kamp ip Brownsea Island. In België wordt in 1910 den èèste Belgise scoutsgroep oender de noame ‘Belgian Catholic Scouts’-groep ipgericht. In 1916 richtte Georges de Hasque den èèste Vlamse zèèscoutsgroep ip in Antwerpn. In 1930 wordn de Belgiese scouts ipgesplitst in een Vlamse en een Wolse federoasie.