Poater Lievens: verschil tussen versies

Van Wikipedia
Verwijderde inhoud Toegevoegde inhoud
k robotvervangienge: (- bie + by )
k robotvervangienge: (-dd'n +ddn )
Regel 5: Regel 5:


==Leevn==
==Leevn==
In 1876 wos Constant Lievens den twidd'n in de retorica van t [[Klêen Seminoarie|Klêen Seminoarje]] in [[Roeseloare]], by paster-lêroare [[Hugo Verriest]]. Den êesten wos [[Albrecht Rodenbach]].
In 1876 wos Constant Lievens den twiddn in de retorica van t [[Klêen Seminoarie|Klêen Seminoarje]] in [[Roeseloare]], by paster-lêroare [[Hugo Verriest]]. Den êesten wos [[Albrecht Rodenbach]].


Je wilde paster worden, gienk eest vôort lêern in tzelfste Klêen Seminoarje en toen in september 1877 noa 't Grôot Seminoarje in [[Brugge]] vo theologie te studeern.
Je wilde paster worden, gienk eest vôort lêern in tzelfste Klêen Seminoarje en toen in september 1877 noa 't Grôot Seminoarje in [[Brugge]] vo theologie te studeern.

Versie van 7 sep 2007 19:37

Dit artikel es geschreevn in 't Môoslees, en da zou best ozô bluuvn.


Poater Constant Lievens es geboren den 10 april 1856 in Môoslee en dôogegoan an de tèringe de 7 november 1893. Je wos t zevenste kiend van elve. Zyn voadre wos boer. J' èt 't grotste dêel van zyn kort leev'n missionoaris gewist in India.

Leevn

In 1876 wos Constant Lievens den twiddn in de retorica van t Klêen Seminoarje in Roeseloare, by paster-lêroare Hugo Verriest. Den êesten wos Albrecht Rodenbach.

Je wilde paster worden, gienk eest vôort lêern in tzelfste Klêen Seminoarje en toen in september 1877 noa 't Grôot Seminoarje in Brugge vo theologie te studeern.

J'a geirne Jezuïet-missionoaris geworden en doavoorn gingt ie noa 't novicioaat in Drongen.

Den 22 oktober 1880 leit ie zn klôostergeloften of. Dezelfsten dag nog paktne den bôot in Ostende vo noar India te reizn.

In India lêerdne vôort vo paster en in 1883 wierd ie in Calcutta paster gewied. Je blêef doa toe 't ende van 't joar lesse geevn.

Calcutta wos 't centrum van de misje van West-Bengoalen en Lievens wierd benoemd vo de misje van Chotanagpur.

In 1885 gingt ie noa Torpa. Je probeerde entwa te dôen vo de ôorsproenkelyke bevolkienge die uutgebuut wierd. Je makte under surtoe duudlyk da ze up under rechtn moestn stoan. Da zorgde nateurlyk wok vo hêel wa vryvingn ... Moa je liet em niet doen en wos oenvermoeiboar.

In 1891 kriegt ie 't ôorn dat ie an de tèringe liedt. En zyn lyfspreuke es nie vo niet "Vier moet branden" want achter twêe moanden rust, kêert ie ol were noa Ranchi vo vôort te werk'n. Moar in 1892 kêert ie were noa België vo te probeern te geneezn.

Je goat doad de 7 november 1893, nog moa 37 joar oed.

Erkennienge

Standbeeld

Sichten 1929 stoat er up de mart van Môoslee n stanbild van poater Lievens. Poater Lievens up zyn peird met 'n kruusbild in zyn and'n en nen Indiër geknield d'ervôorn, die wil gedopt word'n.

Anikdote: in Slyps zeggn ze da Lievens Môoslee vôrenstelt en da dienen Indiër Slyps es ... die up zyn kniejn mag zittn vo Môoslee.

Zoaligverkloaringe

In 2001 wierd de prossedeure vo zoaligverkloaringe in gank gezet. De postulator es ne vroegern oenderpaster van Môoslee, Odiel Denorme.

Externe koppelienge