Studio Brussel

Studio Brussel of StuBru is de jongernradio va den VRT.

Ip 1 april 1983 was er den êeste uutzendienge. Er waarn nog nie zo vele programma's en juuste ip de spitsuurn werd er e twa utgezondn in de streke van Brussel. De doelgroep wos de weirkende Vloamieng in Brussel. Mo de zender at mêer en mêer succes, dus kwaamn der meer programma's en zondn ze nationoal uut. De doelgroep wos vanof ton de jeugd. De zender speelt surtout alternatieve en zwaardere muziek. Da komt omda da ip commerciele zenders nie zo vele wordt gedraaid.

In 2006 et de zender 500 000 luusteroars per dag en ted e marktandêel va 7,13%.

Oloewel da Studio Brussel nie zô veel martandêel eit, zyn ze toch redelyk invloedryk omda ze als êestn ip de nieuwst muziektrends springn, vôorol in de Rockmuziek. Veel van under presentatoorn zyn ôok deuregroeid noa de TV: Peter Van De Veire, Chris Dusauchoit, Chantal Pattyn, en Lieven Van Gils zyn doar een poar vôorbeeldn van. Êen van de mêest gewardeerde programma's, Het Leugenpaleis, es zelfs vertoald gewist noa de TV (en nomde doar Peulengaleis. Het mêest beruchte programma uit de geschiedenisse van Studio Brussel es zonder twyfel Hallo Hautekiet gewist, woar da't er vrêe gelachn weird me het dialect van de minsn in't olgemêen, en met het West-Vlamsch in't byzonder.

Programma's

• De grote Peter Van de Veire ochtendshow (in de ochtendspits)
• De Afrekening
• De Max
• De Hotlist
• Music @ Work
• De Tijdloze top 100
• Tomas (in de oavondspits)

Studio Brussel in West-Vloandern

De frequentie vo West-Vloandern is 102.1 FM.

Externe koppelienge

• Officiëln site