Dwoallucht: verschil tussen versies

Van Wikipedia
Verwijderde inhoud Toegevoegde inhoud
nieuw blad: thumb|E dwoalluchtje boovn 't woater '''Dwoalluchtn''' of '''dwoasluchtn''' zyn luchtjes da je soms kut ziene boovn moerassn of kerkoovn. ...
(geen verschil)

Versie van 22 okt 2007 19:43

E dwoalluchtje boovn 't woater

Dwoalluchtn of dwoasluchtn zyn luchtjes da je soms kut ziene boovn moerassn of kerkoovn.

Volksgeloof

Die dwoalluchtjes keunn under verplekkn, n'ene kee zie je z'ier, n'andern kee doar. Lange tyd verstondn de mienschn d'r under nie an.

Volgens oude vertelliengn woarn die luchtjes de zieln van nie gedopte kienders die de passantn ambeteerdn voe toch gedopt te geroakn. Volgens andere overleveriengn zyn de luchtjes geestn van dooie mienschn die mè e slicht geweetn doodgegoane zyn. Ze briengn ongeluk oe je ze teegnkomt en ze trachtn jou in de moerassn mè te sleurn. Of ze kommn up joun deure kloppn en loatn toun e bloedvlekke of e brandspoor achter.

Verkloarienge

Die dwoalluchtn zyn ofkomstig van methoangoaze, ook wel moerasgoaze genoemd. Die goaze ontstoat up e natuurlikke maniere by 't vortn van plantn of (mienschelik) vlees. Oe die goaze spontoan ontbrandt, kryg je e blauw vlammetje da omoge goat. Omda die vlammetjes meestol up verschillige plekkn ontstoan, gif da 'n indruk lik dan z'under an 't verplekkn zyn.

Kort achter 'n eestn weireldoorloge woarn d'r veel dwoalluchtn te ziene rond de slagveldn van Yper deur de vele dooie soldoatn die noois nie begroavn èn gewist.