Sifong

Dit artikel es geschreevn in 't Brugs, en da zou best ozô bluuvn.

---

Deursnee van een sifong of een duker

Een sifong of een duker is een construcsje die gemakt wordt otter twee kanollen of een kanol en een rivier makander moên kruusjchen.

---

't Woater worip datter niet gevoar'n en moê worden, wordt oender 't ander geleeid, volgens 't princiep van de communiceern'de voaten. Das niet assan gemakkelik, wan os 't woater vuul is, gerakt een sifong zere verstopt en 't is ton een heel spel vor em te kuusjchen.

De bekendste sifongs in West-Vloandren woaren de tweeë van den Stienker en den Blienker oender den Damsjchen voart, mo z'en bestoan zieder nie mê wan de Fransjche ên z'in 1940 in 't begun van den orloge ipgebloaz'n om dasse peisden van azo de Duutsjche teeg'n t'oekden, mo t'en is under nie gelukt. 't Enigste datter van overgebluuv'n is, is de name van ne restorang.

Ter Informoasje

't Is 't zalste princiep dasse gebruuk'n vo woater over t'eevelen (of vor je naftebak te leeg'n) of ook vo de stank teeg'n t'oekden oender een lavabo.