Bourgondische ertoogn: verschil tussen versies

Van Wikipedia
Verwijderde inhoud Toegevoegde inhoud
k recat
k sp
Regel 4: Regel 4:
De Bourgondische periode wier voe Vlaandern ingezet met de trouw van d'erfdochter van de Vlamse graaf [[Lodewyk van Male]]. Margaretha van Male trouwde met [[Filips de Stoute]]. Em was de broere van de Fransche keunink. Margaretha en Filips wiern graaf en gravinne in 1384.
De Bourgondische periode wier voe Vlaandern ingezet met de trouw van d'erfdochter van de Vlamse graaf [[Lodewyk van Male]]. Margaretha van Male trouwde met [[Filips de Stoute]]. Em was de broere van de Fransche keunink. Margaretha en Filips wiern graaf en gravinne in 1384.


Al in 1386 richtten ze de [[Rekenkamer van Vlaandern]] ip. Diene rekenkamer zat in [[Riesel]], en controleerde de rekeningen van al de Vlamse rekenplichtige ambtenaren. 't Archief van die instellinge is bewaard, en bevat ne schat an informatie voe de geschienisse van zowel 't [[groafschap Vloandern|graafschap Vlaandern]], alsook voe de geschienisse van de Nederlandn in 't algemeen omdat die instellinge later bevoegd wier voor de centrale Bourgondische instellingen, dus ook buten 't graafschap Vlaandern.
Al in 1386 richtten ze de [[Rekenkamer van Vlaandern]] ip. Diene rekenkamer zat in [[Rysel]], en controleerde de rekeningen van al de Vlamse rekenplichtige ambtenaren. 't Archief van die instellinge is bewaard, en bevat ne schat an informatie voe de geschienisse van zowel 't [[groafschap Vloandern|graafschap Vlaandern]], alsook voe de geschienisse van de Nederlandn in 't algemeen omdat die instellinge later bevoegd wier voor de centrale Bourgondische instellingen, dus ook buten 't graafschap Vlaandern.


==[[Jan zonder Vrees]]==
==[[Jan zonder Vrees]]==

Versie van 2 jan 2008 00:17

In de geschienisse van de Nederlandn en de Bourgondische Ertoogn e belangrike rolle gespeeld in 't centraliseren van de macht over al de verschillende "provincies".

Margaretha van Male en Filips de Stoute

De Bourgondische periode wier voe Vlaandern ingezet met de trouw van d'erfdochter van de Vlamse graaf Lodewyk van Male. Margaretha van Male trouwde met Filips de Stoute. Em was de broere van de Fransche keunink. Margaretha en Filips wiern graaf en gravinne in 1384.

Al in 1386 richtten ze de Rekenkamer van Vlaandern ip. Diene rekenkamer zat in Rysel, en controleerde de rekeningen van al de Vlamse rekenplichtige ambtenaren. 't Archief van die instellinge is bewaard, en bevat ne schat an informatie voe de geschienisse van zowel 't graafschap Vlaandern, alsook voe de geschienisse van de Nederlandn in 't algemeen omdat die instellinge later bevoegd wier voor de centrale Bourgondische instellingen, dus ook buten 't graafschap Vlaandern.

Jan zonder Vrees

Ze wiern in 1404 ipgevolgd deur underne zeune Jan zonder Vrees.

Filips de Goede

In 1419 volgde Filips de Goede zen vader ip. 't Is surtout onder zyn bewind dat de Nederlandn in grote mate verenigd wiern. Je regeerde stief lange, tou dat 'n in 1467 wier ipgevolgd deur zen zeune Karel de Stoute.

Karel de Stoute

Em was vreed ambitieus, en sleutelde verder an de centrale instellingn voe de Nederlandn, met onder meer in 1743 d'iprichtinge van de Grote Raad van Mechelen. Dat was vreed tegen 't gedacht van d'onderdaann omdat heel die instellienge bemand wier met gastn die gin Vlams kostn.

Maria van Bourgondië

Achter da Karel in 1477 gesneuveld was in Nancy in Vrankryk, volgde zen dochter Maria van Bourgondië em ip. Da meistje was mo negentiene. In 't begin ad ze ferm vele probleemn. Eur machtige onderdaann dwongn eur zoverre da ze dienen Grote Raad van Mechelen were afschafte.

De Habsburgse dynastie

Maria trouwde met Maximiliaan van Oostnryk. Ze was de latste van de Bourgondiërs die regeerde over Vlaanderen. Ze stierf in 1482 achter da ze in Wiendale lelik van eur peird was gestuukt. 't Meisje was mo 25. Eurne zeune Filips de Schone was nog ne peuter. In zyn plekke regeerde de weware Maximiliaan als regent. Achter dat 'n keizer van 't Illig Roomsche Ryk was geworn, wier Filips de Schone in 1494 meerderjarig verklaard zodanig dat 'n koste regeren over de Nederlandn. Filips en z'n zuster Margaretha trouwdn met de respectivelikke dochter en zeune van keuniginne Isabella I van Kastilië, en keunink Ferdinand II van Aragon. Deurdat Margaretha's vint vroeg gestorvn is, en Filips de Schones vrouwe de enigste erfgename wier van die twee troons in Spanje, wier Filips keunink van grote gedeeltn van Spanje, Bourgondië en de Nederlandn. Met em zyn de Nederlandn ounder de dynastie van de Habsburgers gekomn.