Clovis I

Clovis I

465 – 511
Keunink van de Salische Frankn
Periode 481 - 509 Vôorganger Childerik I Ipvolger -
Keunink van de Frankn
Periode 509 - 511 Vôorganger - Ipvolger Reims Theuderik I Parys Childebert I Orléans Chlodomer Soissons Chlotarius I
Voader Childerik I Moeder Basina van Thüringn

Clovis I of Chlodovech I (dynastie van de Merovingers) (Doornik, 465 - Parys, 511) was keunink van de Salische Frankn van 481 tout 509 en van 509 tout 511 ôok van de Ripuarische Frankn.

Zyn leevn

In 481 volgde Clovis I z’n voader ip ols keunink van de Salische Frankn in Doornik. Je was ton zestien joar oud. De Salische Frankn woarn êen van de Frankische stammn die ’t gebied da Toxandria genoemd wierd bezettegen. De streke lag tusschn de Nôordzee, de Schelde en Koameryk en liep van Reims tout an Amiens en Boulogne.

Clovis wilde de Salische Frankn en de Ripuarische Frankn (de streke round Keuln) verenigen tout êen Ryk. Je vertrok van Doornik met de bedoelinge van Soissons, da besteurd wierd deur Syagrius, te verovern. Syagrius was de latstn Romeinschn gouverneur in ’t Noordn van Gallië en je regeerdeg over ’t gebied tusschn de Somme en de Loire.

De veldtochtn van Clovis

• Slag by Soissons

In 486 verovert Clovis de stad Soisson. Syagrius vlucht noa de Visigootn moa je wordt uutgeleverd en vermôord. ’t Gebied van Clovis lopt nu tout an de Loire en je krygt macht over d’andere Frankn.

• Slag by Tolbiac, by Keuln

Je versloat de Alemann

• Slag by Dijon

In 500 versloat ‘n de Bourgondiërs.

• Slag by Vouillé

In 507 versloat ’n de Visigotischn keunink Alarik II.

Vô zyn dôod ee Clovis ol de Frankische stammn kunn verenign tout êen ryk en je wordt anzien ols de stichter van Frankryk.

D’n doop van Clovis (schilderye uut ca 1500)

Zyn doop

In 493 trouwde Clovis in Soissons mè Clothilde, dochter van Chilperik II, keunink van Bourgondië. Zy was katholiek en ze kost em overtuugn. Je bekeerdeg em tout ’t katholicisme, wa da nie gebruukelik was by de Germoansche keuningn lik de Visigootn en de Vandoaln, die ’t Arisch geloof aan.

Ip Kestdag 496 liet Clovis em doopn in de Onze - Lieve - Vrouwekathedroale van Reims deur d’n illign Remigius van Reims. Zyn twêe zusters, Abboflede en Lantechilde en 3000 van z’n krygers lietn under ôok doopn.

Dôod en ipvolginge

Gallië achter d’n dôod van Clovis I

Clovis stierf in 511 en j’is begroavn in de Saint - Denisbasilieke in Parys, zyn voader is begroavn in Doornik.

Zyn Ryk wierd volgns 't Frankisch recht verdêeld ounder z’n vier zeuns: Theuderik: Reims (groen), Chlodomer: Orléans (rose), Childebert: Parys (geel), Chlotarius I: Soissons (oranje).