Blink-182

Blink182 me Tom DeLonge, Mark Hoppus en Travis Barker (van links nor reks)

Blink 182 (oorsprounkelik Blink genoamd) es ne punk-rock band uut San Diego, upgericht deur Mark Hoppus en Tom Delonge in 1991.

Biografie

Den oorsprounkelikkn drummer von Blink 182 noemde Scott Raynor. In et joar van hun album dad tmééste succes a gekreegn, vloog in den tour Scott uut den band, em moest kiezn tussn stopn me Blink, of stopn me drienkn. E bitje loater estem in e afkickcentrum beland. Mo in da befoamde joar 1999 zoatn ze in de probleemn, want ze an gin drummer mêer. Under goeie moat i ton in e mum van tyd alle liedjes lêern speeln en es me under ip tour gegoan van hun album Enema of the state. Die gast noemde Travis Barker. Travis, die vroegere in The Aquabats speelde, a zyn band upgegeevn en es me Blink ip tour gegoan. Achter da album wos Blink ginne punkrock mêer, mo eignlyk veranderd noar pop-punk.

In 2005 wos Tom Delonge et e bitje beu, achter de uutgoave van under loatst gemoakte album. Ie vound da undere band Blink, nie genoeg was vo zin smoake. Uutiendelik i tie agter een concert zunne gsm nummere verandert en koestn zyn beste moatn gin contact mêer me em ipneemn. Tom i ton zelf nen band ipgericht genoamd "Angels And Airwaves" oftewel AvA afgekort. Noa de splitsinge in ôok Mark Hoppus en Travis Barker uldern eign band ipgericht genoamd +44 oftewel Plus Forty Four, genoamd no de mobielnumero daj moe droain vo 't Verênigd Keunienkryk: 0044. Intusschn i Angels And Aiwaves al 2 albums uutgebrocht, en Plus Forty Four êenn.

Bandleedn

• Tom Delonge (gitoare)
• Mark Hoppus (bas)
• Travis Barker (drums)

Discografie

• Flyswatter (demo, 1992)
• Buddha (album, 1995)
• Cheshire Cat (album, 1994)
• Dude Ranch (album, 1997)
• Enema of the State (album, 1999)
• The Mark Tom and Travis Show (The Enema Strikes Back) (live-album, 2000)
• Take off your Pants and Jacket (album, 2001)
• Blink-182 (gin titel, album, 2003)
• Greatest Hits (verzamelalbum, 2005)