Sint-Donaaskathedroale: verschil tussen versies

Van Wikipedia
Verwijderde inhoud Toegevoegde inhoud
Pastel (discuusjeblad | bydroagn)
nieuw blad: thumb|right|250px|Links de Sint- Donaaskathedroale ip de [[Burg (Brugge)|Burg]] De '''Sint- Donaaskathedroale''' van Brugge is ...
 
+cat
Regel 23: Regel 23:


[[Categorie:Brugge]]
[[Categorie:Brugge]]
[[Categorie:Kathedroale]]
[[Categorie:Keirke in West-Vloandern]]


[[nl:Sint-Donaaskathedraal (Brugge)]]
[[nl:Sint-Donaaskathedraal (Brugge)]]

Versie van 3 apr 2008 19:11

Links de Sint- Donaaskathedroale ip de Burg

De Sint- Donaaskathedroale van Brugge is round 944 gebouwd ip de Burg rechtover ’t staduus. De kerke, genoemd noa de patrôonillign Donatianus van Reims en ofgebrookn in 1800 deur de Fransche, was de belangrykste kerke van Brugge.

Geschiedenisse

Boudewyn met den Yzern Oarm liet round 864 ‘n versterkte burcht teegn de Vikings bouwn ip die plekke. An de burcht wierd er ôok e Pre-Romoansche kapelle gebouwd. Loater round 944 wierd de kapelle verbouwd tout e Karolingische kerke ounder Arnulf I, groaf van Vloandern en klêenzeune van Boudewyn I. Je liet de kerke bouwn noa ’t model van de Paltskapelle van Karel den Grôotn in Aakn. ’t Was ‘t symbool van groafelikke macht.

Round 960 et ’n in de kerke e seculier kapittel gesticht met e college van prôost, deekn en 12 kanunnikn. By de verbouwienge tout de Romoansche kerke wierd er ‘n kôor an den ôostkant gebouwd, woavan dan de restn te zien zyn in de kelder van ’t Crowne Plaza Burghotel.

In 1127 wierd groaf van Vloandern Karel den Goein, die styf populair was by ’t geweun volk, vermôord in de kerke deur de familie van de Erembalds, die nie van oadel woarn moar under aan weetn ip te werkn tout ‘n ryke en machtige clan.

De kerke is loater verbouwd gewist. Eest in 1184 achter ‘n brand en loater in de loate middeleeuwn tout e gotische kerke, die ‘t burgpling ofslôot.

In den eestn elft van de 15e eeuwe liet de kanunnik van de Sint-Donaaskerke, Joris van der Paele, z’n portret schildern deur Jan van Eyck vor in de kerke t’angn. ’t Schilderye Madonna mè kanunnik Joris van der Paele angt nu in ‘t Groeningemuseum by de Vlamsche Primitievn.

In 1559 richtte de paus veertien nieuwe bisdommn ip in de Spoansche Nederlandn, woarounder Brugge, en wierd de kerke e kathedroale.

In 1799 wierd de kathedroale ounder ’t Frans regime oopnboar verkocht en ’t joar d’r ip, ip de noamdag van den patroonillign, ofgebrookn. De kerke is nie mêer erbouwd gewist. In 1834 wierdn de relikwien van Donatianus overgebrocht noa de Sint-Salvatorskerke, die ton de kathedroale gewordn is.

De Sint-Donaaskerke et ‘n importente rolle gespeeld in Brugge en d’r zyn veel belangryke persoonn begroavn o.a.: Karel den Goein (1127), Lodewyk II van Nevers (1346), Jan van Eyck (1441), kanunnik Joris van der Paele (1443), Juan Luis Vives (1540) en verzekers ôok Karel den Stoutn (1477). Z’n proalgraf is nu te bezichtign in de Onze-Lieve-Vrouwekerke.