Karel Van Mander: verschil tussen versies

Van Wikipedia
Verwijderde inhoud Toegevoegde inhoud
SieBot (discuusjeblad | bydroagn)
k robot Erbij: ca:Karel van Mander
Regel 25: Regel 25:
[[Categorie: Mullebeke|Van Mander Karel]]
[[Categorie: Mullebeke|Van Mander Karel]]


[[ca:Karel van Mander]]
[[de:Karel van Mander]]
[[de:Karel van Mander]]
[[en:Karel van Mander]]
[[en:Karel van Mander]]

Versie van 8 mei 2008 04:38

Dit artikel es geschreevn in 't Mullebeeks, en da zou best ozô bluuvn.

Carel van Mander

Karel van Mander is ne skildre en skryvre die in mei 1548 in Mullebeke geboorn is uut goeie komof. Zyn grôotvoadre wos zelfs vertrouwensman van Karel de Goede.

Carrière

Y eit skole gelôopn in de Latynse skole van Tielt en loater in Gent wo dat y in de ljirre gienk by de skildre en dichtre Lucas d'Heer en loater in Kortryk by Pieter Vlerinck.

Achter zyn studies kwam 't y were noa Mullebeke woa dat y em toelei ip literaire zoakn en woa dat y wok tonjiliptreedns gaf.

Gelik ol de kunstenoars in dien tyde, trokt y noar Rôme om de odde Rominse culteure te gan bekykn. 't Wos immers vulip Renaissance en de Rominse kunstn kwoamn were in de belangstellienge. Y et doar gebleevn van 1574 tut 1577. Achternoa et y em in Olland gan vestign, want da wos ton in tyde de ipkommende economische regio van West-Europa. In Vloandern ging et ton minder goed deur ondermêer de godsdienstoorlogn. Y is doar gebleevn tut an zyne dôod in 1606.

Y èt veel boanbrekend werk gedoan. Em èt et vô de êeste kêer angedurfd vô noakte minsn te skildren in de Loage Landn. Y oat ondertussn wok e academie ipgericht en jin van zyn ljirliengn wos Frans Hals.

Ip 11 september 1606 is't y toamelik onverwachts gestorvn en wier't y in de Odde Kerke van Amsterdam bygezet. Y liet zeevn joengens en e vrouwe achtre.

In Mullebeke kun je byvôorbeeld een stroate vindn die achter em genoemd is. D'r stoat wok e beeld vô 't gemjinte-uus en er angt wok e gedenkploate in de Mullebeekse Wetstroate.

't Schilder Boeck

't Bekendste dat y oes et achtergeloatn is zyn "Schilder Boeck". Doarin stoan d'r vele beskryviengen van Middeljiwse skilders. t'Is deur em da we nu nog zo vele weetn van onder andere Van Eyck en Breugel. In dien tyde wos da werk ol ip applaus ontoald. 't Wos trouwens 't êeste kunsttheoretische boek ôoit da boovn d'Alpn wos verskeen.

Van d'reste van zyn werkn is 't er nie mjir zô vele overgebleevn: ol t'ôpe nog 28 skilderyn woavan 7 in Olland en moar jin in Belgie. Da latste is te ziene in de St. Moartenskerke van Kortryk en noemt "De marteldôod van de H. Catharina" uut 1582.