Boudewyn IV van Vloandern: verschil tussen versies

Van Wikipedia
Verwijderde inhoud Toegevoegde inhoud
Pastel (discuusjeblad | bydroagn)
SpBot (discuusjeblad | bydroagn)
Regel 50: Regel 50:
Boudewyn IV stierf in 1035 en j’is begroavn in de St-Pietersabdye van Gent. Zyn zeune Boudewyn V volgdeg em ip.
Boudewyn IV stierf in 1035 en j’is begroavn in de St-Pietersabdye van Gent. Zyn zeune Boudewyn V volgdeg em ip.
[[Categorie:Groaf van Vloandern]]
[[Categorie:Groaf van Vloandern]]

[[de:Balduin IV. (Flandern)]]
[[en:Baldwin IV, Count of Flanders]]
[[en:Baldwin IV, Count of Flanders]]
[[fr:Baudouin IV de Flandre]]
[[fr:Baudouin IV de Flandre]]

Versie van 18 jun 2008 15:11

Boudewyn IV
980 - 1035
Groaf van Vloandern
Periode988 - 1035
VôorgangerArnulf II
IpvolgerBoudewyn V
VoaderArnulf II
MoederRozala-Suzanna van Itoalië

Boudewyn IV bygenoamd met den Board (980 - 30 meie 1035), was Groaf van Vloandern van 988 tout an z’n dôod.

Zyn Leevn

Boudewyn IV was de zeune van Arnulf II en van Rozala-Suzanna, de dochter van Berengarius II, keunink van Itoalië.

Achter d’n dôod van Boudewyns voader Arnulf II in 988, arrangeerde de Franschn keunink Hugo Capet d’n trouw van Rozala mè z’n zeune Robrecht II den Vroomn. Rozala was ol mêer of viftig joar oud en Robrecht II trouwde teegn z’n goeste met eur. Achter d’n dôod van z’n voader Hugo Capet in 996 et ’n eur loatn zittn vo Bertha van Bourgondië.

O Boudewyn IV z’n voader ipvolgde wast ’n nog minderjoarig en woarn z’n moeder en z’n stiefvoader Robrecht II z’n regentn. Hugo Capet aa z’n steun beloofd en ze kostn die steun goed gebruukn want achter d’n dôod van Arnulf II woarn d’r oadelikke rebelln in ipstand gekommn.

Boudewyn a surtout miserie met de Kortrykzoann, eest geleid deur Baldzo en loater deur Eilbodo, die ol begost was mè z’n eign muntn te sloan. Vo zyn gezag were te winn vroeg Boudewyn steun an d’inweuners van Oarelbeke, die ossan trouw gebleevn woarn an under groaf en doadeure gedeurig gepest wierdn deur de Kortrykzoann en nu were. On z’oordn da Boudewyn ip weg was vo ’t gebied were ounder zyn gezag te krygn, vieln z'Oarelbeke binn en stoakn ze ’t stadje in brande. Da was nie slim want nu kreegn ze de bevolkienge van ol d’andere omliggende dorpn teegn under en azo kost de groaf zounder vele moeite zyn gezag were erstelln.

Reorganisoatie

Achter die moeilikke begunperiode van z’n regerienge krêeg Boudewyn mêer en mêer macht deur groundige ervormiengn. Round 993-994 verdêeldegt ie z’n groafschap in drie burggroafschappn, ieder round e groafelikkn burcht. De burggroave (Fr.: vicomte, Eng.: viscount) kreegt de leidienge over de besteurlikke, de rechterlikke en de militaire organisoatie en was platsvervanger van de groaf. De drie burggroafschappn woarn:

Uutbreidienge van 't Groafschap

Nu dat olles intern gestabiliseerd was begost Boudewyn te zoekn vo z’n macht buutn ’t groafschap uut te breidn. Zyn vôorgangers Boudewyn II en Arnulf I aan ’t groafschap zuudwoarts uutgebreid tusschn 879 en 965, mo nu wast er vele veranderd. Deur d’ountwikkelienge van de Normandische macht en deur de Fransche monarchie die ossan mo sterker wierd, kost Boudewyn nie mi verder no ’t zuudn. Doarom gingt ’n nu vo gebiedn, ten ôostn van de Schelde, van ’t Duuts Illig Rôoms Ryk. ’t Was nie gemakkelik want keizer Otto II aad ’n ende geleen, round 980, drie sterke burchtn langs de Schelde loatn bouwn en de markgroafschappn Antwerpn, Ename en Valenciennes ipgericht.

Boudewyn aad em styf agressief ipgesteld teegn keunink (de loatern keizer) Hendrik II den Illign van Duutsland. In 1006 paktegt ie Valenciennes in, mo je kost ’t uuteindelik nie oaln teegn de Duutsers, die gesteund woarn deur Fransche en Normandische troepn.

D’n 22stn oktober 1011 kreegt ’n ton toch ’t Groafschap Valenciennes en de streke van Zêeland in lêen. Azo ountstound Ryksvloandern (de gebiedn in lêen van ’t Ryk) tegenover Krôonvloandern (de gebiedn in lêen van de Fransche krone).

D’n 28sten september 1014 wast er e stormvloed. De maritieme transgressie was ‘t gevolg van geologische bewegiengn an de kust. De vloedgolf zette de kustn van Vloandern en Zêeland ounder woater. By de rampe vieln d’r duuzendn dooie. D’r wierdn nieuwe dykn gebouwd en Boudewyn IV gink persôonlik toezicht doen ip de werkn.

In 1033 stak Boudewyn de Schelde over en veroverde ’t markgroafschap Ename.

Vrouwn en kinders

Eeste vrouwe: Ogiva van Luxemburg (in1012), dochter van Frederik van Luxemburg. Z’aan twi kinders:

Twidde vrouwe: Eleonora van Normandië (in 1031), dochter van ertog Richard II van Normandië en Judith van Bretagne. Z’aan twi dochters:

  • Judith van Beiern, getrouwd mè Tostig Godwinsson, groaf van Northumberland, en mè Welf IV, ertog van Beiern
  • dochter (noame ounbekend), getrouwd mè Reinier van Leuven, zeune van Lambert I van Leuven


Boudewyn IV stierf in 1035 en j’is begroavn in de St-Pietersabdye van Gent. Zyn zeune Boudewyn V volgdeg em ip.