Veugelpyk: verschil tussen versies

Van Wikipedia
Verwijderde inhoud Toegevoegde inhoud
SieBot (discuusjeblad | bydroagn)
k robot Anders: he:הטלת חצים
k robot Erbij: tl:Suligi
Regel 60: Regel 60:
[[sr:Пикадо]]
[[sr:Пикадо]]
[[sv:Dart]]
[[sv:Dart]]
[[tl:Suligi]]

Versie van 2 jul 2008 04:13

Veugelpyk is e kaffeesport die officieel darts noemt. 't Is overol in de weireld espeeld, mo 't komt van Iengeland. Vroeger iengt er in iedern kaffee e veugelpyk, nu is dat e bitje emienderd, mo 't zyn der oglyk nog vele. De bedoelienge is om me drie pyltjes (‘’darts’’ in 't Iengels) zoe goed meugelik te smytn (en in e nermoal spel 501 te smytn).

E veugelpyk en de moatn

Ne veugelpyk

E veugelpyk is e rounde van e outn ploate met doarup zwynoar of syntetiesche vezels met doaround e metoaln band. Vanvôorn is 'n upedêeld in e rôoze (groen=25 puntn, rôod=50 puntn) me doaround 4 riengels (vanbuutn=2x (e dubbeln), toene x1, toene x3 (e tripel) en toene were x1) ounderverdêeld in cyfers van êen toet twientig. Aje dus in tripel 20 smyt, eje 60 puntn esmeetn. De riengels van de dubbels en de tripels zyn oftewel rôod, oftewel groene. De geweune riengels zyn gilf en zwort.

De numers stoan ezô up e veugelpyk, vanboovn te begun in wyzerzinne: 20-1-18-4-13-6-10-15-2-17-3-19-7-16-8-11-14-9-12-5. Roend olle vaksjes is er e metoaln droad (oek round dubbels, tripels en de rôozn).

De deursnee van e veugelpyk is bykan 46cm. En angt 173cm oge (emeetn van 't min van de rôze toet de ground, oungeveer up d'ogte van d'oogn van e mens van e meiter tagenteg) en de lyne ligt up 2 meiter 37 van de vôorkant van veugelpyk.

’t Spel zeve

Veugelpyk ounderdêlen

’t Bestoan e masse verschilnde spelln, mo ’t mêest van ol smytn twêe menschn teegn makoar toet 501. De mêeste veugelpykers smytn achter de tripel 20, mo j’et er oek die achter de tripel 19 smytn.

De spelers smytn ek up ze toer met 3 pyltjes en ze smytn toet anze 501 en. Uutsmytn moe wel gebeurn met e dubbeln of met de rôze. Oltemets is er oek espeeld toet 301 (voen 't e bitje zidder te loatn goan).

Mêestol is er vantevôorn ofesprookn oevele spelletjes danze speeln.

Vroeger moester in redelik vele kaffees begun zyn met e dubbeln.

Puntn

  • 180: ’t ogste meugelik me 3 pyls (3x tripel 20)
  • 170: d’ogste uutsmete (2x tripel 20 en e rôo rôze)

Varia

  • Fabien Theeten (Poperienge) is vount mooment êen van de beste veugelpykers van België en smyt oek internationaal redelik mei.
  • ’n Latstn Belg die meiedoan et ant Lakeside weireldkampioenschap, is Erik Clarys (The Sheriff).
  • Up weireldvlak zyn der twêe boundn: BDO (danze toogn upn BBC) en PDC.

Externe koppelienge