Streamy Award
| Streamy Awards | |
|---|---|
 | |
| Uutgereikt vo | Uutmuntendheid in online video |
| Uutgereikt deur | Tubefilter Dick Clark Productions |
| Land | Verênigde Stoatn |
| Êeste uutreikienge | 28 moarte 2009 |
| Website | streamys.org |
De YouTube Streamy Awards, ôok wel kortweg de Streamy Awards of de Streamys genoemd, zyn e reekse van pryzn (awards) die joarliks wordn uutgereikt deur Dick Clark Productions en Tubefilter oem uutmuntendheid in online video te belôonn, waarounder regie, acteren, productie en 't schryvn van scenario's. De formele ceremonie woarby da de pryzn wordn uutgedêeld, vindt idder joar platse in Los Angeles, Californië.[1] 'T wos d' êeste prysuytreikienge ôoit die heur hêlegans toelegde ip webseries.[2]
Geschiedenisse
[bewerk'n | brontekst bewerken]
De Streamy Awards wierdn ôorsprounkelik bedacht deur Drew Baldwin, Brady Brim-DeForest en Marc Hustvedt van Tubefilter, t'hoope me Joshua Cohen en Jamison Tilsner van Tilzy.tv.[3] Vôor de koumste van de Streamy Awards bestoundn der ahl andere prysshows om online content in de blommetjes te zettn, moar de Streamy Awards waarn d' êeste die nunder specifiek richtten up webseries.[4]
D' êeste joarlikse Streamy Awards voundn platse ip 28 moarte 2009 in 't Wadsworth Theatre in Los Angeles.[5] De presentotie wierd gedaen deur de International Academy of Web Television (IAWTV) en 't evenement wierd mede-g'organiseerd deur Tubefilter, NewTeeVee en Tilzy.TV.[6] Der zoatn na verludt 1.300 menschn in d'n zoale.[7][8] Ounder de winnoars in de 25 categorieën bevoundn under byvôorbeeld The Guild en Dr. Horrible's Sing-Along Blog, die beid' mêerdere pryzn binn'nhoaldn, net as Joss Whedon en Felicia Day.[6]
De twidde joarlikse Streamy Awards wierdn gepresenteerd deur komiek Paul Scheer en wierdn live online uutgezoundn vanuut 't Orpheum Theatre ip 11 april 2010. De show aht e masse last van technische probleemn en ounderbrekiengn deur naktlopers (streakers) die 't podium ipkwaamn.[9] De moppen van Scheer vieln ôok in slichte aarde; velen in 't publiek en anwezige influencers voundn ze nie grappig, sexistisch en denergrêrend teegnover de internetcultuur.[10] Wegens de slichte ountvangste en d' amateiristische uutvoerienge van de show, verbrak d' IAWTV eur soamenwerkienge me Tubefilter en de co-productie van de ceremonie, oem doarachter nunder eign Web TV-prysuitreikinge ip te richtn.[11]
Achter de zwoar bekritiseerde twidde editie, gienkn de Streamys vo twêe joar in pauze. In dien tyd, in 2011, gienk Tubefilter e soamenwerkienge an me d'n g'estabiliseerden awardshow-producent Dick Clark Productions (geëkend van ounder aâr de American Music Awards) oem de derde Streamy Awards t'hoope te produceern en d'n goeie noame van de prys t'herstelln.[12][13] Ze wierdn uutgereikt in 2013 in de Hollywood Palladium in LA, en geliktydig gelivestreamd ip YouTube en mêerdere streamingnetwerken.[14] Commentatoatn merkten d'n verhoogn professionaliteit ip, moar sommigte moakers lik Felicia Day haalden uut noa d'n fôcus ip d' acceptoatie van d' oude klassieke media in plekke van e pure focus up 't web.[12]
De vierde Streamy Awards wierdn gepresenteerd deur Grace Helbig en Hannah Hart en voundn platse ip 7 september 2014 in 't The Beverly Hilton hotel in Beverly Hills. 'T evenement introduceerde tien nieuwe pryscategorieën, wourounder êen voor de korte-video-app Vine, en aht vo d'n êestn kêer inzendiengn woarby da de fans kostn stemmn.[15] E toaste geweêd an d'n in da joar overleedn komiek Joan Rivers wierd beschreevn als "'t mêest soembere moment van den avound" en "een authentiek en intiem saluut".[16] Moa de show krêeg ôok kritiek omdat 't ollemoale te commercieel anvoelde, met een overvloed an product placement en lofuutienge noar grôte bedryven toe.[17]
De vuufde Streamy Awards wierdn live uutgezoundn ip d'n tv-zender VH1 up 17 september 2015, en wierdn gepresenteerd deur Grace Helbig en Tyler Oakley. Ze gienkn deure in de Hollywood Palladium, en 't waarn d' êeste Streamys die up tv kwoamn. Ze wierdn ôok gelyktydig gelivestreamd ip internet.[18] D'r wierdn alweere nieuwe categorieën toegevoegd, dizze kêer voor video's gepost op socioale media lik Instagram, Snapchat, en Vine. 'T waarn ôok d' êeste Streamys me de Breakout Creator en Breakthrough Artist pryzn.[19]
De zeste Streamy Awards wierdn gepresenteerd deur King Bach en live uutgezoundn op YouTube up 4 oktober 2016 vanuut The Beverly Hilton. In teegnstellienge tout d' ediesje va 2015, wierd de show nie ip tv getôogd, noar verludt uut e verlangn om "were te keirn noar heur digitoale wortels".[20] De ceremonie bevatte e medley van liedjes ter êre van Christina Grimmie, die idder in 't joar wierd dôodgeschootn buutn e concertzoale. Dit tribuut wierd massoal geprezen deur verschillige publicoaties.[21]
De zevende Streamy Awards wierdn gepresenteerd deur Jon Cozart en live uutgezoundn up Twitter up 26 september 2017, vanuut The Beverly Hilton. 'T bevatte 't êeste live muzikoal iptrêedn van de Village People in mêer of dertig joar.[22] TheWrap beschrêef t evenement als "ruumoerig, politiek e vul mè Jake Paul-hoat",[23] binst da The Hollywood Reporter zei da de zwoarste thema's van den avound politiek en diversiteit woarn.[24] D' êeste joarlikse Purpose Awards @ the Streamys voundn ôok platse up 25 september 2017, gepresenteerd deur Burnie Burns en Ashley Jenkins.[25]
De achtste Streamy Awards wierdn gepresenteerd deur The Try Guys en wierdn live uutgezoundn ip YouTube ip 22 oktober 2018, vanuut d'n Beverly Hilton Hotel.
De neegnde Streamy Awards wierdn live uutgezoundn ip YouTube ip 13 december 2019, vanuut The Beverly Hilton Hotel. 'T wos d' êeste Streamy Award ceremonie zounder e specifieke presentateur of presentatrice.[26]
In 2020 kocht YouTube de noamrechten vo de Streamy Awards.[27]
De tiende Streamy Awards wierdn uutgezoundn ip YouTube ip 12 december 2020, en wierdn gepresenteerd deur dragqueens Trixie Mattel en Katya Zamolodchikova. Oem de social distancing restricties binst de COVID-19 pandemie na te leevn, dêelde 't duo de pryzn uut vanuut a ryende partybus die deur Los Angeles reed.[28]
De elfde Streamy Awards wierdn uutgezoundn ip YouTube ip 11 december 2021. Ze wierdn gepresenteerd deur d'n Amerikoanschn YouTuber Larray, t'hoope me Issa Twaimz, en wierdn alweere uutgevoerd vanuut e partybus in LA.
De twooefste Streamy Awards voundn platse ip 4 december 2022 in The Beverly Hilton in LA en wierdn gepresenteerd deur YouTuber Airrack (echte noame Eric Decker), met doaby nog een iptrêedn van Yung Gravy.
De dertiende Streamy Awards wierdn g'houdn ip 27 ogustus 2023 in The Beverly Hilton, gepresenteerd deur MatPat.[29] D'n YouTuber MrBeast won in da joar vo de vierde kêer ip reke d'n oofdprys Creator van 't Joar.[30]
Der wierdn helegansn gin ceremonies g'houdn vo de Streamy Awards in 2024 en 2025.
Pryscategorieën
[bewerk'n | brontekst bewerken]De teegnwoordige pryscategorieën vo de Streamy Awards zyn in twêe opgedêeld: de gewoone Streamy Awards en de Streamys Brand Awards.[31]
Lyste van shows
[bewerk'n | brontekst bewerken]| Editie | Joar | Doatum | Locatie | Gaststad | Presentateur(s) | Uutzender(s) |
|---|---|---|---|---|---|---|
| 1ste | 2009 | 28 moarte | Wadsworth Theatre | Los Angeles | N.v.t. | YouTube |
| 2de | 2010 | 11 april | Orpheum Theatre | Paul Scheer | ||
| 3de | 2013 | 17 februoari | Hollywood Palladium | Chris Hardwick | ||
| 4de | 2014 | 7 september | The Beverly Hilton | Beverly Hills | Grace Helbig en Hannah Hart | |
| 5de | 2015 | 17 september | Hollywood Palladium | Los Angeles | Grace Helbig en Tyler Oakley | VH1 YouTube |
| 6de | 2016 | 4 oktober | The Beverly Hilton | Beverly Hills | King Bach | YouTube |
| 7de | 2017 | 26 september | Jon Cozart | |||
| 8ste | 2018 | 22 oktober | The Try Guys | YouTube | ||
| 9de | 2019 | 13 december | N.v.t. | |||
| 10de | 2020 | 12 december | Een roundryende partybus[32] | Los Angeles | Trixie Mattel en Katya Zamolodchikova | |
| 11de | 2021 | 11 december | Larray en Issa Twaimz | |||
| 12de | 2022 | 4 december | The Beverly Hilton | Beverly Hills | Airrack | |
| 13de | 2023 | 27 ogustus | MatPat | |||
Zie ôok
[bewerk'n | brontekst bewerken]Referensjes
[bewerk'n | brontekst bewerken]- ↑ "The Streamy Awards will recognize the best online TV". Los Angeles Times (19 december 2008).
- ↑ Wetherbe, Jamie. "Get Streamy". Geek Monthly (Moarte 2009).
- ↑ "Web TV's Streamy Awards: Next Year It Could Be You Up There". LA Weekly (30 moarte 2009).
- ↑ Russo, Maria. "Watch Out, Emmys, Here Come the Streamys". TheWrap (15 moarte 2009).
- ↑ Lowry, Brian. "Special 'Worst Award Name Ever' Award". Variety (1 april 2009).
- 1 2 Weinberger, Jill. "Joss Whedon, Felicia Day and a Pile of Streamys". The New York Times (29 moarte 2009).
- ↑ Heffernan, Virginia. "California Streamin': A Night for Web Serials". The New York Times Magazine (31 moarte 2009).
- ↑ Tsotsis, Alexia. "Web TV's Streamy Awards: Next Year It Could Be You Up There". LA Weekly (30 moarte 2009).
- ↑ Nicoletti, Karen. "Streamys Honor Best of Web Series". The Hollywood Reporter (11 april 2010).
- ↑ Broadley, Erin. "Porn Jokes vs. Net Neutrality: 2nd Annual Streamy Awards Backlash". LA Weekly (12 april 2010).
- ↑ Christian, Aymar Jean. "On Giving the Streamys (and the IAWTV) a Chance". Televisual (17 december 2012).
- 1 2 Carrie, Stephanie. "Streamy Awards: Online Video's Biggest Night Accepts Old Hollywood Into the Fold". LA Weekly (19 februoari 2013).
- ↑ Block, Alex Ben. "Dick Clark Productions Joins Tubefilter to Produce Streamy Awards". The Hollywood Reporter (5 ogustus 2011).
- ↑ Daniel, Hurwitz. "'Burning Love' is big winner at Streamy Awards". USA TODAY (17 februoari 2013).
- ↑ Hamedy, Saba. "Fourth annual Streamy Awards opens submissions". Los Angeles Times (9 juli 2014).
- ↑ Votta, Rae. "Streamys award the best of YouTube and Vine". The Daily Dot (8 september 2014).
- ↑ Buenneke, Katio. "Money Wins and Sponsors are Everywhere at the Streamys YouTube Awards". LA Weekly (8 september 2014).
- ↑ Spangler, Todd. "YouTube Stars Tyler Oakley, Grace Helbig to Host 2015 Streamy Awards". Variety (28 ogustus 2015).
- ↑ Soules, Conor. "The 5th Annual Streamy Awards Nominations Include 'Bee and Puppycat,' 'Hotwives' and James Franco". IndieWire (12 ogustus 2015).
- ↑ Petski, Denise. "YouTube To Live Stream 2016 Streamy Awards". Deadline (27 september 2016).
- ↑ "Christina Grimmie Was Honored at the Streamy Awards With a Very Special Tribute". Teen Vogue (5 oktober 2016).
- ↑ Rolli, Bryan. "2017 Streamy Awards Announce Jon Cozart as Host". Billboard (19 september 2017).
- ↑ Glazer, Mikey. "Streamy Awards 2017: The Complete Winners List". TheWrap (26 september 2017).
- ↑ Jarvey, Natalie. "YouTube Star Jon Cozart to Host 2017 Streamy Awards". The Hollywood Reporter (19 september 2017).
- ↑ Weiss, Geoff. "Inaugural Purpose Awards Recognize Lizzie Velasquez, Ford, Meals On Wheels, More". Tubefilter (28 september 2017).
- ↑ Sandberg, Bryn Elise. "Streamy Awards Change It Up With Hostless Show and No Boomer Music Act". The Hollywood Reporter (13 december 2019).
- ↑ Spangler, Todd. "YouTube Streamy Awards 2021 Nominations Announced, MrBeast Leads With Seven Nods". Variety (20 oktober 2021).
- ↑ Spangler, Todd. "YouTube Streamy Awards 2020 to Be Hosted by 'RuPaul's Drag Race' Alums Trixie Mattel and Katya". Variety (3 december 2020).
- ↑ "Streamy Awards Set for New Summer Date". The Streamy Awards (17 meie 2023).
- ↑ "YouTube Streamy Awards: MrBeast Takes Top Creator; Full List of Winners". Sportskeeda (29 ogustus 2023).
- ↑ "Awards Categories". The Streamy Awards.
- ↑ Van 2020 toet 2021 wierd de show gepresenteerd vanuut e partybus die roundreed in Los Angeles, wegens de moatregeln round de COVID-19 pandemie.
Externe koppeliengn
[bewerk'n | brontekst bewerken]- Streamy Awards ip Wikimedia Commons
- Officiële Website
 |
Ofbeeldiengn die ier by passn ku je vien in de categorie Streamy Award van Wikimedia Commons. |