Stroate van Hormuz
De Stroate van Hormuz (Perzisch:تنگه هرمز , Arabisch: مضيق هرمز) is e smalle moa strategisch styf belangryke zêestroate tusschn de Perzische Golve in 't westn en de Golve van Oman in 't ôostn. Te nôordn dervan ligt Iran en te zuudn liggn de Verênigde Arabische Emiroatn en Musandam, een exclave van Oman.
De stroate is ip 't smalste punt oungeveer 54 kilometer brêed en is diepe genoeg vo de grotste olietankers. 't Is êen van de belangrykste scheepvoartroutes ter weireld, omda bykan e vuufde van al d' over zêe vervoerde olie derdeure passeert. Deur de strategische liggienge is 't gebied regelmoatig ounderwerp van polletieke spanniengn, surtout tusschn Iran en westersche landn.
