Naar inhoud springen

The Game Awards

Winnoare ip The Game Awards
Van Wikipedia
The Game Awards
Huidige editie The Game Awards 2025
Uutgereikt vo Prestoaties in de videogame-industrie
Presentateur Geoff Keighley
Preshow host Sydnee Goodman
Locatie Peacock Theater
Land Verênigde Stoatn
Vôorganger Spike VGX
Êeste uutreikienge 5 december 2014
Website thegameawards.com

The Game Awards is e joarlikse prysuytreikienge (award show) die prestoaties in de videogame-industrie in de blommetjes zet. De show wierd ipgericht in 2014, en wudt geproduceerd en gepresenteerd deur game-journalist Geoff Keighley. Achter dat em mêer of tien joar an de vôorganger, de Spike Video Game Awards, aht gewerkt, sloeg Keighley d' handn in mekoar me verschillige videogamebedryven om de nieuwe show te moakn. Neviest de pryzn toogn de Game Awards ôok in première d' ankouandigiengn van nieuwe spèletjes (games) en nieuwe informoatie over ahl eziene titels. D' ountvangste van de show is over 't olgemêen gemiengeld: 't wudt geprezen vo de zwoare ankouandigiengn, moa bekritiseerd vo 't gebrek an andacht voor evenementn in de weireld, 't overmoatig gebruuk van recloame en d' omgang me de winnoars.

Achter d' êeste ceremonie in the AXIS in Las Vegas, wudt idder show g'houdn in 't Peacock Theater in Los Angeles.[1] Keighley heêt ahl mêerdere anbiediengn van tv-netwerkn geweigerd om de show by nunder uut te zendn. De Game Awards heêt e comité da bestoat uut verteegnwoordigers van bedryven lyk Microsoft, Nintendo, en Sony. Zynder kiezn mêer of nen hounderd videogame-persorganisoaties die in anmerkienge kommn vo nominoaties in te dienn, en stemmn up de games in de categorieën van de show. Keighley en 't comité zelve doen echter nie mee an de stemmienge. Games uutgebrocht vôor e specifieken doatum in november kommn in anmerkienge vo e nominoatie. Games die loater uutgebrocht zyn, doen mee voor de pryzn van 't joar doarop. De mêeste winnoars wordn bepoald deur e gemiengelde stemmienge van 90% van de stemmende jury en 10% fan-stemmn.

Geschiedenisse

[bewerk'n | brontekst bewerken]

Achterground (Background)

[bewerk'n | brontekst bewerken]
De prys vo Beste Actie Game wudt uutgereikt ip The Game Awards 2022

In 1994 wos de Canadeesche gamesjournalist Geoff Keighley dêel van d' êeste ip tv uutgezoundn awardshow vo videogames, Cybermania '94. Keighley wos as tiener an'enoomn om te helpn by 't schryvn van materioal vo de beroemde presentateurs lyk William Shatner en Leslie Nielsen. De show wierd nie aanzien als e succes, en wos mêer gericht ip komedie dan ip e vierienge, moa 't zette hem d'r wel toe an om loater in zyn carrière iet te moakn da leek ip de Academy Awards (Oscars) vo videogames.[2]

Keighley wrocht loater an de Spike Video Game Awards (VGA), die liep van 2003 toet 2013. De show wierd uutgezoundn up Spike TV round 't ende van 't kalenderjoar, en wos gemakt oem de videogames uut da joar in de blommetjes te zettn. Keighley diende as de producer en dikkers ôok als presentateur van die shows. Oewel da 't netwerk toet 2012 e grôte steun toogde voor de show, en zèlfs Samuel L. Jackson inhuurde als host, voelde Keighley da Spike miender g'interesseerd begost te groakn in de show van 2013, dêels omdat 't netwerk up zoek wos noa programma's die miender ip mann'n woarn gericht.[3] Spike koos d'rvoorn oem de pryzn te hernoemn van VGA na VGX, om an te toogn dan ze mêer fôcus wildn leggn ip de next-generation games die mee de koumste van d' achtste generoatie consoles g'introduceerd wierdn. Doaneviêst hoalden ze komiek Joel McHale binn'n als co-host neviest Keighley.[4] Doarbovenip wierd de show herleid toet een uutreikienge van mor êen uurtje, da êest online wierd gelivestreamd vôordat 't up tv kwam.[3] De show van 2013 wierd as e teleurstellienge aanzien en voelde mêer an als e commerciële bedoenienge in plekke van e vierienge van d' uutmuntendheid in videogames.[5] Spike stelde vôorn oem in 2014 vôort te doen, moa ton inkel als online streaming media en nie mêer ip tv; Keighley weigerde, en de show van Spike wierd stopgezet.[3][6]

Keighley wrocht t'hoope me verschillige partyen uut d' industrie, waarounder de moakers van de consoles Sony, Microsoft, en Nintendo, e nog e poar grôte uutgevers (publishers), oem e nieuwe awardshow te finantiêren en up te bouwn: The Game Awards.[7] Hy stak d'r zô'n 1 miljoen US dollar van zyn eign geld in oem de nieuwe show te steun'n,[3] en kost de theâterzoale The AXIS in Las Vegas vastleggn voor 't live evenement. Zounder e tv-netwerk kwoamn Keighley en d'andere producers overêen oem de show te livestreamen ip de netwerken van de consoles en ip 't Steam-platform van Valve, womei dan ze e vele grôter publiek kostn bereikn dan da Spike TV ôoit aht g'had.[8]

The Game Awards

[bewerk'n | brontekst bewerken]
Geoff Keighley, host van de Game Awards

Sedert de show van 2014 eêt Keighley 't groddere Peacock Theater (vroeger 't Microsoft Theater) in Los Angeles kunn'n vastleggn vo 't evenement. Hy wrocht a soamenwerkiengn me mêerdere streamingdiensten weireldwyd, e zette die wel g'apprecieerd wierd deur verschillige partners van de Game Awards sedert 't begun van de show.[9] Keighley is ahl benaderd gewist deur tv-netwerkn oem de show by nunder uut te zendn, moa j'eêt die anbiediengn ossan geweigerd, zodan ze under vryheid kounn behoudn over oew dan ze de show presenteren en inrëchten.[10] De show van 2019 aht e gelyktydige uutzendinge (simulcast) in soamenwerkienge me Sony Pictures voor e selectie an Cinemark-cinema's in Amerika.[11] The Game Awards 2020 wierd nie in a theâter g'houdn wegens de COVID-19 pandemie en vound in plekke doarvan virtuoal platse.[12] De show van 2021 wierd wel ahlweere live g'houdn in 't Microsoft Theater, moa met e gereduceerd publiek wegens d' anoudende COVID-19-moatregelen.[13]

Een illustroatie van 't prysbeeldje, ountworpn deur Keighley en Weta Workshop

Keighley vound 't belangryk da de Game Awards gunstig woarn voor d' interesses van de gamers en d' industrie in zyn gehêel, en ôok dat 't openstound vo beroemdheden en andere menschn die under interesse in videogames aahn getoogd.[9] Oewel da de Game Awards in d' êeste plekke een awardshow is, wist Keighley oe belangryk 't wos oem extra content t' hen, zeker achter dat em oundervoundn aht dan aâr probeersels van videogame-awardshows zounder extra's misluktn wegens e gebrek an kykoars.[14] Keighley peisde da de Game Awards iewers tusschn d' entertainment-zoaln van d' Oscars en de standoard award-presentoatie van de Game Developers Choice Awards moestn volln, en j' wilde e goeie balanse in 't materioal.[9] Vanof de Spike VGX en in de Game Awards, zocht Keighley contact me gamestudio's oem ankouandigiengn van nieuwe games t'hoope me de pryzn te briengn. J' aanziet d'n onthullienge van d' êeste gameplay van The Legend of Zelda: Breath of the Wild ip The Game Awards 2014 als 't absolute kroonmoment van dien anpak.[14] Keighley moedigt gamestudio's an oem content te geevn da spannend kan zyn of d' andacht trekt, zèlfs al zyn de spèletjes nog in e vroege foase van de ountwikkelienge, en ie kiest ton zelve wukke games en trailers dan d'r getoogd wordn.[14] Doarachter wrocht Keighley soamen me die studio's oem te ziene oew dan ze de trailers best positioneern om d'n grotsten impact t' hen; zo werkte hy byvôorbeeld in 2018 tegoare me Nintendo voor een trailer-onthullienge van 't Persona 5-personage Joker in Super Smash Bros. Ultimate, wuk da in 't begun leek ip een teaser vo e nieuw spel in de Persona-reeke.[15][16]

Sedert de lanceringe van de show heêt Keighley an de fans gevraagd oe dat em de show kost verbetern, mêestal binst beurzen en conventies in de moandn vôor de show. In 2020, toên da de pandemie d'rvoorn zorgde da veel evenementn wierdn ofgelast, nôodigde Keighley zô'n hounderd fans uut vo privé-chats met emzelvn en d' andere toporganisotors om under feedback te krygn.[17] De Game Awards wierdn in 2020 en 2021 alsnog g'houdn, oewel me beperkt publiek en strikte maatregeln vo presentateurs en genomineerden in 2021 wegens de COVID-19-protocolln uut Californië. De show van 2022 aht weere e vul live publiek, oemda de regeeringsmoatregelen in tusschentyd woarn ipgeheevn.[18]

Rond den tyd van de show doen digitoale wienkels lik Steam, d'n Xbox Games Store, de Nintendo eShop, en de PlayStation Store kortiengn ip de genomineerde games, zowêl in d' anloop noa 't evenement als e poar doagn d'rachter.[19] 'T beeldje da de winnende games krygn wierd ountworpn in e soamenwerkienge tusschn Keighley en Weta Workshop. 'T is bedoeld oem d' evolutie van 't videogame-medium te verteegnwoordigen, uutebeeld deur een iengel die ipstygt deur digitoale bouwblokkn.[20][21] In 2019 wierd er e Game Festival g'houdn ip Steam met demo's van ankommende games.[22] In 2021 presenteerde Keighley de podcast Inside the Game Awards in soamenwerkienge me Spotify.[23] In juni 2023 leidde Keighley de 10-joarige vierienge van de Game Awards, een iptrêedn van videogamemuziek in de Hollywood Bowl deur de Los Angeles Philharmonic.[24]

Shows (Ceremonies)

[bewerk'n | brontekst bewerken]
Lyste van The Game Awards
Evenement Doatum Game van 't Joar (Game of the Year) Locatie Kykoars
(miljoen)
2014 5 december Dragon Age: Inquisition The AXIS (Las Vegas) 1,9[25]
2015 3 december The Witcher 3: Wild Hunt Microsoft Theater (Los Angeles) 2,3[25]
2016 1 december Overwatch 3,8[25]
2017 7 december The Legend of Zelda: Breath of the Wild 11,5[26]
2018 6 december God of War 26,2[27]
2019 12 december Sekiro: Shadows Die Twice 45,2[28]
2020 10 december The Last of Us Part II Virtueel evenement[29] 83[30]
2021 9 december It Takes Two Microsoft Theater (Los Angeles) 85[31]
2022 8 december Elden Ring 103[32]
2023 7 december Baldur's Gate 3 Peacock Theater (Los Angeles) 118[33]
2024 12 december Astro Bot 154[34]
2025 11 december Clair Obscur: Expedition 33 171[35]
2026 10 december N.v.t. N.v.t.

Verloop (Process)

[bewerk'n | brontekst bewerken]

The Game Awards heêt een adviescomité da bestoat uut verteegnwoordigers van hardwarefabrikantn lyk Microsoft, Sony, Nintendo, en AMD, t'hoope met e poar grôte uutgevers (publishers) van spèletjes. Dit comité kiest nieuwsorganisoaties uut de gamingweireld die in anmerkienge kommn oem videogames te nomineern en d'r doarachter up te stemmn in verschillige categorieën. Den adviesroad zelve doet vo de reste hêlegansn nie mee an 't nominoatie- of stemproces. Binst de nominoatierounde gift idder van die nieuwsorganisoaties e lyste van games by in verschillige categorieën; games vo de esports-gerelateerde categorieën wordn gekoozen deur e specifieke subgroep van deze organisoaties. 'T comité stelt doarachter d'n nominoaties t'hoope en selecteert de mêest-genomineerde games woarip da dezelste organisoaties doarachter keun'n stemmn.[36] Vôor 2017 waarn der 28 experts en verteegnwoordigers uut d' industrie die de winnoars kozen, binst dat er vanof 2017 mêer of 50 van zukke experts wordn in'ezet.[37] In 2019 wierdn der ôok nie-Engelstoalige mediapublicoaties an de jury toegevoegd.[38] Vanaf 2024 zyn der over hêel de weireld mêer als hounderd mediapublicoaties die als juryleden gekoozen zyn. Winnoars wordn bepoald deur e gemiengelde stemmienge tusschn de stemmende jury (90%) en de stemmn van 't publiek (10%) via socioale media en de website van de show.[39]

In 't olgemêen kommn inkel games die vôor e specifieken doatum in november uutgebrocht zyn in anmerkienge vo e nominoatie in 't joar zelve. Omdat de jury under nominoaties moetn moakn in de weekn vôor dienen doatum, kan 't zyn da sommigte geanticipeerde games die zjuust vôor dienen doatum uutkommn ounderverteegnwoordigd zyn in de nominoaties. De jury moet noamelik afgoan ip vroege reviewkopieën in plekke van ip 't defenitieve spel.[40] Ahlle games die achter de november-deadline uutkommn (wuk dat idder joar varieert), doen nateurlik wel mee voor de ceremonie van 't vôlgende joar.[41] Grote game-uutbreidiengn (expansions), seizoenscontent, downloadbare content (DLC), remakes, en remasters kommn ôok in anmerkienge over oalle pryscategorieën heên.[42]

Categorieën

[bewerk'n | brontekst bewerken]

Videogames en media

[bewerk'n | brontekst bewerken]
Huidige categorieën
Categorieën Êest uutgereikt
Game van 't Joar 2014[43]
Beste Onafhankelikke Game
Beste Mobiele Game[44][43][45][46][47]
Best Verhoal
Beste Score en Muziek[48][43][45][46][49][50][51]
Beste Acteerprestoatie (Best Performance)
Games vo d'n Impact[52][43]
Beste Actie/Avonturengame
Beste RPG
Best Vechtspel (Fighting Game)
Beste Familjegame
Beste Sport/Racegame
Beste Multiplayer[53][54]
Mêest Geanticipeerde Game[55][50][51]
Beste Art Direction 2015[45]
Beste Game Regie[56][57] 2016[46]
Beste VR/AR Game[58][46]
Beste Actiegame
Beste Simuloatie/Strategiegame[59][43][45][46][49][50][51]
Best Audio-ountwerp[60][46] 2017[49]
Beste Lôpende Game (Best Ongoing Game)
Best Indie Debuut[61][51][62]
Beste Community Support 2019[63]
Stemme van de Spelers (Players' Voice)[64][51][62]
Innovoatie in Toegankelikheid 2020[65]
Beste Adaptatie 2022[66]
Ofgesjafte categorieën
Categorieën Êest uutgereikt Latst uutgereikt
Beste Remaster 2014[43] 2014[54]
Beste Shooter[67] 2015[57]
Ountwikkeloare van 't Joar[68][57]
Beste Studentengame[69][70] 2017[49] 2018[71]

Esports en moakers (creators)

[bewerk'n | brontekst bewerken]
Huidige categorieën
Categorieën Êest uutgereikt
Bestn Esports Atleet[72][43][45][46][49][50][51][73] 2014[43]
Beste Esports Ploeg[74][43][45][46]
Beste Esports Game[75][43][45][46] 2015[45]
Content Moaker van 't Joar[76][77] 2018[50]
Ofgesjafte categorieën
Categorieën Êest uutgereikt Latst uutgereikt
Beste Fan Creatie 2014[43] 2016[78]
Trending Gamer[79][77] 2017[80]
Chineesche Fan Game Award 2017[49]
Best Esports Moment 2018[50] 2018[81]
Bestn Esports Host 2020[82]
Bestn Esports Coach 2023[83]
Best Esports Evenement

Eerepryzn (Honorary awards)

[bewerk'n | brontekst bewerken]
Categorieën Êest uutgereikt Latst uutgereikt
Industrie Icoon Prys 2014[43] 2018[84]
Weireldwyde Gaming Burgers (Global Gaming Citizens)[85][86][87][83][88] 2018[77] N.v.t.
Toekomstige Klasse (Future Class) 2020[89] 2023[90]
Game Changer 2024[91] N.v.t.

Ountvangste (Reception)

[bewerk'n | brontekst bewerken]

De show eêt vele lof gekreegn vo zyn ankouandigiengn.[92] Moa commentatoarn hen de Game Awards ôok bekritiseerd oemda 't te vele ip promoatie en commercie gericht zou zyn.[93][94][95] De verhoudienge van d'n tyd da bestêed wudt an 't eêrn van de winnoars in vergelykienge me de recloame vo ankoumende games is e veelvôorkomend punt van kritiek.[96][97][98] Achter da 't schandoal round seksueel wangedrag by Activision Blizzard uutkwam, opende Keighley de show van 2021 met e verkloarienge woarin dat em misbruuk in d' industrie verôordeelde.[99] De verkloarienge wierd echter bekritiseerd oemdat Activision Blizzard nie by noame wierd genoemd vo weirdevolle industrie-reloaties te bewaarn.[100][101] De ceremonie van 2023 krêeg zwoare kritiek oemda beroemde gastn (celebrities) minuutnlang mochten klappn, binst da de winnoars moa dertig secondn krêegn vôordat ze wierdn ofgebrookn deur de muziek.[102][103][104]

In 2025 wierd 't Future Class-programma stopgezet, woaby da leedn zeiden dan ze nunder "getokeniseerd" voelden en "in feite geweun rekwisietn waarn".[105]

Records

[bewerk'n | brontekst bewerken]

Franchises (Reeksen)

[bewerk'n | brontekst bewerken]

De Final Fantasy-franchise eêt de mêeste pryzn binn'n'ehoald ip de Game Awards.[106]

Franchise Uutgever Pryzn Nominoaties Ref.
Final Fantasy Square Enix 10 32 [106][88]
God of War Sony 9 19 [106][87]
The Last of Us 15 [106][88]
Clair Obscur Kepler Interactive 13 [88]
Forza Xbox 8 12 [106]
Baldur's Gate Larian Studios 10 [106][107][88]
Overwatch Blizzard 7 12 [106]
Mario Nintendo 6 21 [108][109][49][83][110][88]
The Legend of Zelda 16 [106]
Elden Ring Bandai Namco 15 [106][111]
Hellblade Ninja Theory 5 9 [106]
Astro Bot Sony 8 [106]
Resident Evil Capcom 4 21 [112][49][113][114][111][87][83][88]
Red Dead Rockstar Games 10 [71]
Destiny Bungie 3 23 [110][113]
Death Stranding Sony 11 [113]
Hades Supergiant Games 10 [114][88]
Doom Bethesda Softworks 9 [46][88]
Splatoon Nintendo 7 [109][87]
The Witcher CD Projekt [109][46]
Grand Theft Auto Rockstar Games 4 [110][107][88]
Call of Duty Activision 2 27 [113]
Uncharted Sony 13 [46]
Ghost of Tsushima 9 [114]
Pokémon Nintendo 8 [46]
Fire Emblem 7 [115][110][49][113][83]
Street Fighter Capcom [116][110][46][71][114][83]
Black Myth Game Science 5 [107]
Metroid Nintendo [49][114]
Metal Gear Solid Konami 4 [109]
Dragon Age Electronic Arts 3 [110]

Zie ôok

[bewerk'n | brontekst bewerken]

Referensjes

[bewerk'n | brontekst bewerken]
  1. ↑ "The Game Awards 2024 date confirmed for December". VGC (21 ogustus 2024).
  2. ↑ Martens, Todd. "Geoff Keighley's lifelong obsession to create a video game Oscars". Los Angeles Times (6 december 2017).
  3. 1 2 3 4 Wingfield, Nick. "Video Game Awards Go Independent and Online". The New York Times (8 november 2015).
  4. ↑ Sarkar, Samit. "Spike Video Game Awards renamed VGX, set for Dec. 7". Polygon (15 november 2013).
  5. ↑ Good, Owen. "Gamers Care More About the VGX Than the Show Did. That's the Problem.". Kotaku (8 december 2013).
  6. ↑ Takahashi, Dean. "Geoff Keighley unveils The Game Awards 2014 to replace the VGAs". Venture Beat (10 november 2014).
  7. ↑ Schreier, Jason. "There's A Big New Game Award Show Happening This December". Kotaku (10 november 2014).
  8. ↑ Graser, Marc. "Videogame Industry Rallies Around First 'Game Awards'". Variety (10 november 2014).
  9. 1 2 3 Takahashi, Dean. "The Game Awards balances revelations, gamer culture, and celebrities". Venture Beat (6 december 2017).
  10. ↑ Valentine, Rebekah. "Seeing the past and future of gaming through The Game Awards". GamesIndustry.biz (6 december 2018).
  11. ↑ Spangler, Todd. "Game Awards 2019 to Play on 53 Cinemark Screens Alongside 'Jumanji: The Next Level'". Variety (14 november 2019).
  12. ↑ Watts, Steve. "The Game Awards 2020 Still Moving Forward". GameSpot (24 ogustus 2020).
  13. ↑ Clayton, Natalie. "The Game Awards will be held in front of a live audience this year". PC Gamer (10 juni 2021).
  14. 1 2 3 Schreier, Jason. "How Video Games' Biggest Award Show Comes Together". Kotaku (30 november 2017).
  15. ↑ Schreier, Jason. "How The Game Awards' Big Announcements Came Together". Kotaku (13 december 2018).
  16. ↑ Hester, Blake. "The making of The Game Awards 2018". Polygon (11 december 2018).
  17. ↑ Stedman, Alex. "How The Game Awards' Fans Helped Build This Year's Ceremony". Variety (25 november 2020).
  18. ↑ Gerblick, Jordan. "The Game Awards will have a live audience for the first time in 3 years". GamesRadar+ (30 september 2022).
  19. ↑ Saed, Sherif. "Xbox One stealth sale has great prices on FIFA 18, Call of Duty: WW2, Shadow of War, much more". VG247 (7 december 2017).
  20. ↑ "About the Game Awards". The Game Awards.
  21. ↑ "The Game Awards 2016 - Behind the Scenes at WETA!". The Game Awards / YouTube (20 november 2016).
  22. ↑ Goslin, Austen. "The Game Awards offers an E3-esque buffet of Steam demos for unreleased games". Polygon (11 december 2019).
  23. ↑ LeBlanc, Wesley. "Geoff Keighley Hosting 'Inside The Game Awards' Podcast In New Partnership With Spotify". Game Informer (22 november 2021).
  24. ↑ Martens, Todd. "The Game Awards to stage a musical production at the Hollywood Bowl". Los Angeles Times (8 december 2022).
  25. 1 2 3 Crecente, Brian. "The Game Awards audience up 65 percent to 3.8M". Polygon (6 december 2016).
  26. ↑ Crecente, Brian. "The Game Awards Audience Triples to 11.5 Million Livestreams in 2017". Glixel (12 december 2017).
  27. ↑ Takahashi, Dean. "The Game Awards doubles viewership to 26 million livestreams". Venture Beat (12 december 2018).
  28. ↑ Stedman, Alex. "Geoff Keighley Looks to The Game Awards' Future as 2019 Show Delivers Record Numbers". Variety (18 december 2019).
  29. ↑ Wierd wegens de COVID-19 pandemie hêlegans virtuoal g'houdn.
  30. ↑ Stedman, Alex. "The Game Awards 2020 Show Hits Record Viewership With 83 Million Livestreams". Variety (17 december 2020).
  31. ↑ Rosario, Alexandra Del. "The Game Awards Reaches New Viewership High With 85M Livestreams". Deadline (20 december 2021).
  32. ↑ Zhang, Jenny. "The Game Awards 2022 Received Over 103 Million Views, Sets New Viewership Record". GameSpot (16 december 2022).
  33. ↑ Spangler, Todd. "The Game Awards 2023 Breaks Viewership Record, Notching 118 Million Livestreams". Variety (14 december 2023).
  34. ↑ Maas, Jennifer. "Game Awards 2024 Smashes Viewing Record With More Than 154 Million Livestreams, up 31% From Last Year". Variety (18 december 2024).
  35. ↑ Spangler, Todd. "Game Awards 2025 Set New Record, Delivering Whopping 171 Million Livestreams Worldwide". Variety (17 december 2025).
  36. ↑ "The Game Awards – Rules and Voting". The Game Awards.
  37. ↑ Spangler, Todd. "2017 Game Awards Expands Distribution, Adds Fan Voting via Google Search, Twitter, Facebook". Variety (10 november 2017).
  38. ↑ "Voting Jury | The Game Awards". The Game Awards.
  39. ↑ "FAQ | The Game Awards". The Game Awards.
  40. ↑ Carpenter, Nicole. "Why some of 2020's big games didn't get Game Awards nominations". Polygon (18 november 2020).
  41. ↑ "The Game Awards FAQ". The Game Awards.
  42. ↑ Blake, Vikki. "'Expansion packs, new game seasons, DLCs, remakes and remasters are eligible' for this year's The Game Awards". Eurogamer (17 november 2024).
  43. 1 2 3 4 5 6 7 8 9 10 11 12 "Here are the nominees for The Game Awards 2014". Polygon (21 november 2014).
  44. ↑ Gepresenteerd als "Best Mobile/Handheld Game" van 2014 toet 2016, en ipgesplitst in twêe categorieën ("Best Mobile Game" en "Best Handheld Game") in 2017.
  45. 1 2 3 4 5 6 7 8 "Here are the nominees for The Game Awards 2015". Polygon (13 november 2015).
  46. 1 2 3 4 5 6 7 8 9 10 11 12 13 14 "The Game Awards 2016 – Winners, News, And Reveals". Game Informer (1 december 2016).
  47. ↑ "Super Mario Run and Fire Emblem Heroes receive Best Mobile Game nominations". Pocket Gamer (14 november 2017).
  48. ↑ Gepresenteerd als "Best Score/Soundtrack" in 2014 en 2015, als "Best Music/Sound Design" in 2016, en als "Best Score/Music" van 2017 toet 2019.
  49. 1 2 3 4 5 6 7 8 9 10 "The Game Awards crowns The Legend of Zelda: Breath of the Wild best game of 2017". Polygon (7 december 2017).
  50. 1 2 3 4 5 6 "The Game Awards 2018 nominations have been announced". PC Gamer (13 november 2018).
  51. 1 2 3 4 5 6 "The Game Awards Reveals Full List of Nominees". The Hollywood Reporter (19 november 2019).
  52. ↑ Gepresenteerd als "Games for Change" in 2014.
  53. ↑ Gepresenteerd als "Best Online Experience" in 2014.
  54. 1 2 "The Game Awards 2015: Official Nominations Announced". Screen Rant (16 november 2015).
  55. ↑ Nie uutgereikt in 2018 en 2019.
  56. ↑ Een herwerkienge van de prys vo "Developer of the Year".
  57. 1 2 3 "Game Awards 2016: Here's the full list of winners and nominees". Trusted Reviews (2 december 2016).
  58. ↑ Gepresenteerd als "Best VR Game" in 2016.
  59. ↑ Gepresenteerd als "Best Strategy Game" van 2014 toet 2019.
  60. ↑ Vroeger een ounderdêel van "Best Music/Sound Design" in 2016.
  61. ↑ Gepresenteerd als "Fresh Indie Game" in 2019 en als "Best Debut Game" in 2020.
  62. 1 2 "Hades and Last of Us Part II lead the Game Awards 2020 nominees". PCGamesN (18 november 2020).
  63. ↑ "Geoff Keighley is the nicest power player in video games". Inverse (11 december 2019).
  64. ↑ Gepresenteerd als "Player's Voice" in 2019 en 2020.
  65. ↑ "The Game Awards arrives December 10 with new accessibility honor". VentureBeat (23 september 2020).
  66. ↑ "The Game Awards Sets 2022 Date, Introduces Best Adaptation Category". Deadline (22 ogustus 2022).
  67. ↑ Vervangn deur "Beste Actiegame".
  68. ↑ G'herwerkt toet "Beste Game Regie".
  69. ↑ Gepresenteerd als "Student Game Award" in 2017.
  70. ↑ "Meet the Students Who Are Getting Their Big Break at Tonight's Game Awards". USgamer (7 december 2017).
  71. 1 2 3 "The Game Awards 2018 Winners".
  72. ↑ Gepresenteerd als "Esports Player of the Year" van 2014 toet 2016, als "Best Esports Player" van 2017 toet 2019, en ôok in 2021.
  73. ↑ "The Game Awards Nominees: 'Deathloop,' 'Ratchet & Clank: Rift Apart' Lead 2021 List". Deadline (16 november 2021).
  74. ↑ Gepresenteerd als "Esports Team of the Year" van 2014 toet 2016.
  75. ↑ Gepresenteerd als "Esports Game of the Year" van 2014 toet 2016.
  76. ↑ Een herwerkienge van de prys vo "Trending Gamer".
  77. 1 2 3 "The Game Awards interview — Geoff Keighley readies gaming's biggest gala". VentureBeat (9 november 2018).
  78. ↑ "The Game Awards 2016: Doom, Overwatch, more up for Game of the Year". VG247 (16 november 2016).
  79. ↑ Ipgesplitst in "Content Creator of the Year" en "Global Gaming Citizens".
  80. ↑ "The Game Awards 2017 GOTY nominees include: Wolfenstein 2, Horizon, more". VG247 (14 november 2017).
  81. ↑ "2019 Game Awards nominees announced". Ball State Daily (19 november 2019).
  82. ↑ "Here are the nominees for The Game Awards 2020". Washington Post (18 november 2020).
  83. 1 2 3 4 5 6 "All The Game Awards 2023 Winners Revealed". GameSpot (7 december 2023).
  84. ↑ "The Game Awards: the highlights, premieres and winners". USA TODAY (6 december 2018).
  85. ↑ Ipgesplitst in "Content Creator of the Year" en "Global Gaming Citizens".
  86. ↑ Niet uutgereikt in 2022, 2023 en 2025.
  87. 1 2 3 4 "Elden Ring and God of War Ragnarok dominate The Game Awards 2022". Game Developer (9 december 2022).
  88. 1 2 3 4 5 6 7 8 9 10 "The Game Awards 2025 Winners: The Full List". IGN (11 december 2025).
  89. ↑ "The Game Awards announces inaugural Future Class". Gamesindustry.biz (10 december 2020).
  90. ↑ "Why hasn't The Game Awards announced a Future Class for 2024?". Game Developer (14 november 2024).
  91. ↑ "First Ever Game Changers Award Goes to Amir Satvat". IGN (12 december 2024).
  92. ↑ Takahashi, Dean. "The DeanBeat: The Game Awards show gaming's past and future". VentureBeat (11 december 2020).
  93. ↑ Schreier, Jason. "Biggest Video-Game Awards Ceremony Is Heavy on Promotion, Light on Awards". Bloomberg (8 december 2023).
  94. ↑ Stanton, Rich. "The Game Awards is becoming the biggest single gaming event of the year". PC Gamer (10 december 2021).
  95. ↑ Gordon, Lewis. "The Game awards: three patience-testing hours of video game advertorials". The Guardian (9 december 2022).
  96. ↑ Farokhmanesh, Megan. "The Game Awards has made its peace with what it can and can't do". The Verge (7 december 2018).
  97. ↑ Szpytek, Peter Hunt. "The Game Awards 2022 Should Lean More Into Industry Recognition". Game Rant (13 december 2021).
  98. ↑ Gordon, Lewis. "How Geoff Keighley Became Gaming's Master of Ceremonies". The Ringer (8 december 2022).
  99. ↑ Phillips, Tom. "The Game Awards begins with brief statement on industry and online abuse". Eurogamer (10 december 2021).
  100. ↑ Gach, Ethan. "Geoff Keighley Opens Game Awards With Disappointing Vagueness". Kotaku (9 december 2021).
  101. ↑ Stanton, Rich. "The Game Awards is becoming the biggest single gaming event of the year". PC Gamer (10 december 2021).
  102. ↑ Bell, Alice. "We don't have to be polite about The Game Awards or pretend it actually cares". Rock Paper Shotgun (8 december 2023).
  103. ↑ Stedman, Alex. "The Game Awards Criticized for Giving Winners Little Time to Speak". IGN (8 december 2023).
  104. ↑ Barker, Sammy. "The Game Awards Is Getting Ripped for Urging Award Winners to Wrap It Up". Push Square (8 december 2023).
  105. ↑ Mercante, Alyssa. "'We were effectively props': young stars of game development feel let down". The Guardian (11 november 2025).
  106. 1 2 3 4 5 6 7 8 9 10 11 Parmer, Seth. "Game Series That Took Home The Most Awards At The Game Awards". TheGamer (2 december 2025).
  107. 1 2 3 "The Game Award 2024 Winners". IGN.
  108. ↑ Mario franchise: Super Mario (3 winstn, 16 nom.) en Mario Kart (3 winstn, 5 nom.).
  109. 1 2 3 4 "Here are the winners of The Game Awards 2015".
  110. 1 2 3 4 5 6 "Here are the winners of The Game Awards 2014".
  111. 1 2 "The Game Awards 2021 Winners".
  112. ↑ Resident Evil: 2017 (1 winste, 3 nom.), 2019 (4 nom.), 2020 (2 nom.), 2021 (2 winstn, 6 nom.), 2022 (1 nom.), 2023 (1 winste, 4 nom.), 2025 (1 nom.).
  113. 1 2 3 4 5 "All the winners from 2019".
  114. 1 2 3 4 5 "The Game Awards 2020 Complete Winners".
  115. ↑ Fire Emblem: 2016 (2 nom.), 2017 (2 nom.), 2019 (2 winstn, 2 nom.), 2023 (1 nom.).
  116. ↑ Street Fighter: 2014 (1 nom.), 2016 (1 winste, 2 nom.), 2018 (1 nom.), 2020 (1 nom.), 2023 (1 winste, 3 nom.).

Externe koppeliengn

[bewerk'n | brontekst bewerken]
Overgenomen van "https://vls.wikipedia.org/w/index.php?title=The_Game_Awards&oldid=324595"