Kerkuuls

Van Wikipedia
(deureverweezn van Tytonidae)

Kerkuuls (Tytonidae) zyn één van de twèe families binn d' orde van de uuls (Strigiformes). D' andere zyn d' echte uuls (Strigidae).

't Zyn middelgroote toet groote veugels met e toamelyk groote kop en 'n oanzichte in de vorm van 'n herte. Kerkuuls hèn redelyk lange sterke pootn mè krachtige stevige klauwers. Z' hèn e specioale soorte vaste pluumn die dienn vo de geluudsbronne binst 't joagn te versterkn. Ze zyn an den achterkant doenkerder van kleur of an de voorkant, meestal oranjebruun. 't Zyn nachtveugels, gèen trekveugels en ze leevn in koppels of solitair.

Kerkuuls kommn voorn over heel de weireld, uutgezoenderd in 't noordn van Noord-Amerika, de Sahara in Afrika en uutgestrekte deeln van Azië. Ze leevn in verschillige biotoopn, van woestyne toet busschn en van gemoatigde streekn toet de troopn. Van de meerderheid van de twientig leevnde kerkuuls ist er styf weinig bekend.

De familie wordt ingedeeld in twèe oenderfamilies: de Phodilinae of bruune uuls en de Tytoninae of typische kerkuuls met oender andere de geweune kerkuul (Tyto alba) lyk typische soorte.

Geslachtn[bewerkn | brontekst bewerken]

  • Tyto, echte kerkuuls (17 soortn)
  • Phodilus, bruune uuls (3 soortn)
Wikimedia Commons