Uze-Lieve-Vrouwekerke (Zunnebeke)

Van Wikipedia
Naar navigatie springen Naar zoeken springen
D'Uze-Lieve-Vrouwekerke van Zunnebeke

D'Uze-Lieve-Vrouwekerke van Zunnebeke es d'eerste kerke in art deco die achter 'n Eestn Weireldoorloge gebouwd et gewist.

Bouw[bewerkn | brontekst bewerken]

De kerke es gezet gewist in 1924. Z'es zy anziene lik et eerste modern religieus gebouw van België. 'n Architect wos Huib Hoste. Je wos em angesteld vo 'n erupbouw van de hele gemeente die binst 'n oorloge compleet kapotgeschootn wos.

Uutzicht[bewerkn | brontekst bewerken]

De kerke et e traditioneel basilicoal groundplan. De twee zybeukn zyn styf smol want de centroale middnbeuke pakt bykan olle plekke in. De kerke et één westertoorn die up eur eigen stoat.

't Gebouw es gemakt van briekn, et dak van betong. De betong spantn keun je van binn goed ziene.

De zokkel bestoat uut verschillige kubische structuurn. Wuk da vodder upvolt, es 't gebruuk van blokkn nateursteen vlak neffers de briekn roundboogn.