Naar inhoud springen

Valknburg

Van Wikipedia
Holland Valknburg


Liggynge van Valknburg in Hollands Limburg
Provinsje Hollands Limburg
Gemêente Valknburg an de Geul
Coördinoatn 50°51′NB 5°49′OL
Ippervlak km²
Inweuners 10.535 (2023)

Riviertje de Geul mè mergelhuyzn

Valknburg (Limburgs: Valkeberg of Vallekeberg) is e stad in d' Hollandsche gemeente Valknburg an de Geul, geleegn in 't Zuyd-Limburgs Heuvelland. Valknburg is de grotste kern en noamgever van de gemeente.

Valknburg ligt in e dal die gevormd is deur 't riviertje de Geul. Verschillige steile hellyngn leidn an de noordkant van 't stadje noa 't Centroal Plateau en an de zuydkant noa 't Plateau van Margraten. Bekende hellyngn (oender andere in verband met de vèlokoers) zyn de Cauberg, de Sibbergrubbe en de Emmaberg. E deel van d' hellyngn is bebust. De bodem bestoat uyt löss of Limburgsche klyte. In den oendergroend zyn der dikke loagn Limburgsche mergel, somtyds ofgewisseld mè viersteen.

't Stadscenter van Valknburg bestoat uyt twèe deeln: d' historische kern en 't wynkelgebied. De middeleeuwsche kern is an de noordkant begrensd deur de zuydelyke tak van de Geul. E groot deel van de bebouwynge is van lokoale mergelsteen.

Beziensweirdigheedn[bewerkn | brontekst bewerken]

E deel van 't center geniet beschermynge deur ryksbeschermd gezicht Valknburg. Binn 't gebied, moar ook buyten 't center, lign e groot deel ryksmonumentn.

In 't center van Valknburg lign e deel bouwwerkn die van strategisch belang woarn vo den hoofdstad van 't Land van Valknburg, oender andere de ruïne van 't Kasteel Valknburg, 't Kasteel Den Halder (oorsproenkelyk e middeleeuwsche vestyngtorre), e deel van de middeleeuwsche stadsmeur (in 't Den Halderpark), de twèe stadspoortn Berkelpoorte en Grendelpoorte.

De rooms-katholieke H.H. Nicolaas en Barbarakerke is e gotische kerke met e romoansche torre. Neffest de kerke stoat de Nicolaas-perroen, 't Hèilig Hertebeeld en de Mariakapelle. De kerke wordt ook wel "oude kerke" genoemd.

Speciaal is ook de Begroafplekke Cauberg, terrasvormig angeleid ip de steile hellynge van de Cauberg.

Valknburg is zowel nationaal of internationaal bekend lyk locoasje vor evenementn van de vèlokoers. Azo zyn de Weireldkampioenschapn vèlokoers doa vuyf keirs deuregegoan (in 1938, 1948, 1979, 1998, 2012) en zyn der twèe keirs etappes van de Roende van Vrankryk angekomn (in 1992 en in 2006). De Cauberg is e belangryke klem in den Amstel Gold Race.

Externe koppeliengn[bewerkn | brontekst bewerken]


Wikimedia Commons