Velotaks

Met d’ipkomste van de velo in de joaren 1880 wierd er ogauwe ook e nieuwe belastienge ingevoerd: de velotaks. Die moste olle joare betoald wordn. Ols bewies dajje betoald oad, krêeg je ‘n yzern (loater blekkn) ploatje vor an je velo vaste te moakn: de taksploate of veloploate. In Belgie woarn ‘t de provincies die de velotaks organiseerdn. West-Vloandern en Luuk woarn d’êeste om dat te doen, in 1893. In 1894 volgdn de mêeste andere provincies. In ’t begun makte iedere provincie z’n eigen ploatjes. Roend 1900 wierdn de ploatjes in hêel ’t land gelyk, mo de name van de provincie blêeft er up vermeld. Ieder joar wisselde de vorm en de kleur van de taksploatjes. In 1986 schaftn de mêeste provincies de velotaks of, omdat 't moakn van de ploatjes tewege mêer kostte dan dat ’t upbrocht. In Oost- en West-Vloandern blêef de taks bestoan toe 1987, in Henegouwen toe 1991. Nu zienn de taksploatjes collectiestikken vo verzameloars.

• 
• 
• 
• 
• 
•