Visegrádgroep

Van Wikipedia
De landn van de Visegrádgroep

De Visegrádgroep of Visegrád 4 (V4) is e polletieke en culturele alliãnsje van vier Centroal-Europeesche landn: de Tsjechische Republiek, Hongareye, Pooln en Slovakeye. Ze zyn lid van de Europeesche Unie van 1 meie 2004.

De groep is gesticht ip 15 februoari 1991 en is genoemd noa de stad Visegrád, de kastêelstad van Hongareye. Doa kwoamn de regeriengsleiders van Hongareye, Pooln en Tsjechoslovakeye tegoare vor e topconferensje in de kelders van de ruïne van et Visegrád-kastêel. Tsjechoslovakeye was ton nog nie gesplitst en dus woarn z' êest mo mè drie landn.

Ze koozn Visegrád als herinnerienge an 't middelêeuws Congres van Visegrád van 1335.

Geschiedenisse[bewerkn | brontekst bewerken]

In november 1335 woarn de keunienk van Hongareye Karel I Robert, de keunienk van Pooln Casimir III de Grôotn en de keunienk van Boheemn Jan van Luxemburg tegoare gekommn in 't keunienklik kastêel van Visegrád, da ton 't polletiek center van Hongareye was.

De stichtienge in 1991: József Antall (Hongareye), Václav Havel (Tsjechoslovakeye) en Lech Wałęsa (Pooln)
De V4 in 2009 in Kraków: Robert Fico (Slovakeye), Jan Fischer (Tsjechië), Donald Tusk (Pooln), Gordon Bajnai (Hongareye)
De V4 in 2015 in Praag: Robert Fico (Slovakeye), Beata Szydło (Pooln), Bohuslav Sobotka (Tsjechië), Viktor Orbán (Hongareye)
Wikimedia Commons