Warlaing

Warlaing
Warlaing in't arroundissement Dowoai
Geografie
Regio	Hauts-de-France
Departement	Noorderdepartement
Arroundissement	Dowoai
Kanton	Sin-le-Noble
Coördinoatn	50°24′NB 3°19′OL
Ippervlak	3,89 km²
Inweuners
Inweuners Bevolkiengsdichtheid	580 (2018) 149 inw./km²
Andere
Burgemêester	Patrice Bricout
Postcode	59870
Webadres

Warlaing es e gemêente in Vrankryk in't Noorderdepartement. 't Ligt hil o de zuudkantn van Frans-Vloandern, mêer bepoald in't arroundissement Dowoai teegn 't schee'n mè 't arroundissement Valencyn. Warlaing grenst an de gemêentn Tilloy by Marsenne, Hasnon, Wandignies-Hamage en Marsenne.

Warlaing es êen van de gemêentn die liggn in't Regionoal Nateurpark in't bekkn van de Skarpe en de Schelde (Parc naturel régional Scarpe-Escaut), zynde 't gebied round Sint-Amands an de Skarpe die beschermd es deur zyn uutgebreyde biodiversityt. De gekanaliseerde Skarpe strôomt tweis deur de gemêente van 't westn noar 't ôostn'n. De zuudelyke schreeve van 't groundgebied van Warlaing wierd gevormd deur de lôop van d'oude Skarpe, vôorn da ze rechtegetrokk'n wos. In tydde van't Ancien Régime vormdigde de Skarpe ier de schreeve tusschn 't groafschap Vloandern (Romoans-Vloandern) en 't groafschap Enegouwn (mêer bepoald de streke van d'Ôosterbant).

Sport

De finoale van de koerseklassieker Parys-Roubei passeert traditionêel olangsn de gemêente. Ip't groundgebied van Warlaing ligter ôok e kasseystroke: 't begun van de Secteur pavé de Warlaing à Brillon (secteur 16, e bitje minder moeilyke strooke van 3 ster'n die 2,4 kilomèiters lank es).

Beziensweirdigeedn

• D'Ouze-Lieve-Vrouw-Emelvoartkerke (Église Notre-Dame-de-l'Assomption), die gebouwd es in 't joar 1852 deur den Ryselsch'n architect Charles Leroy, die teffrenten kerkn in de streke eit ountworp'n, ounder and're de Notre-Dame de la Treille-katheedroale in Rysel.
• 't Kastêel van Warlaing, woavan daj nu ollene mo de ruïn'n kunt ziene achter dat ofgebrook'n es gewist deur de troep'n van Louis XIV.

• 
  D'Ouze-Lieve-Vrouw-Emelvoartkerke
• 
  't Staduus van Warlaing
• 
  De sluuze ip de Skarpe by Warlaing

Ofbeeldiengn die ier by passn ku je vien in de categorie Warlaing van Wikimedia Commons.