Wikimedia België
| Wikimedia België vzw (WMBE) | |
|---|---|
 Logo van Wikimedia België | |
| Algemêne informatie | |
| Upgericht | 27 september 2014 |
| Uprichter | Belgische Wikipedianen |
| Voorzitter | Geert Van Pamel |
| Zetel | Brussel |
| Werkgebied | Cultuur en kennisbeheer |
| Doel | Bevorderen van vrye inhoud |
| Motto | Iedereen betrekken by vrye kennis |
| Antal leden | 153 (april 2026) |
| Werknemers | 0 (april 2026) |
| Website | wikimedia.be |
Wikimedia België vzw (WMBE) is een Belgische vereniging zonder winstoogmerk die eur zetel et in Brussel. 't Is een nationale vereniginge die erkend is deur de Wikimedia Foundation en ze vertegenwoordigt de Belgische Wikimedia-gemêenschap. Wikimedia België is upgericht up 27 september 2014 als een Wikimedia-chapter deur actieve Wikipedianen van de Franstoalige en Nederlandstoalige Wikipedia in België.[1]
't Doel van d'organisoasje is vo 't verzamelen, 't moaken, 't ordenen en 't verspreiden van vrye inhoud te bevorderen, surtout in 't kader van Wikipedia en de zusterprojecten. WMBE helpt de vrywilligers van Wikipedia en de zusterprojecten en ze zorgt dat organisoasjes en instelliengn under kennis kunnen dêlen up de Wikimedia-platformen.
Oprichtienge
[bewerk'n | brontekst bewerken]De êeste discuussjes over 't uprichten van een nationale organisoasje woarn ol bezig van in 2005. 't Proces vo de vzw up te richten is gestart in 2012 en de anvroage werd ingediend by 't Affiliations Committee van de Wikimedia Foundation. Die anvroage is goedgekeurd up 23 juni 2014, en up 6 september 2014 werd Wikimedia België erkend als nieuwe vereniginge. Up 8 oktober 2014 is Wikimedia België officieel geregistreerd deur de Belgische overheid.[1]
De grotste projecten die de Belgische gemêenschap toet nu toe ingericht et, zyn onder andere de fotowedstryd Wiki Loves Monuments, die ol van in 2011 in België loopt, en vanof 2018 ook Wiki Loves Heritage. Ze werken ook styf nauwe t'ope mè verschillige musea en culturele instelliengn.
Toalen
[bewerk'n | brontekst bewerken]Binn Wikimedia België klapt nie iedereen Frans, Nederlands of Duuts, dus wordt Iengels dikwils gebruukt als werktoale, zeker omdat Brussel een internationale stad is en der vele butenlandse leden zyn.
Projecten en activiteiten
[bewerk'n | brontekst bewerken]Wikimedia België wil geiren t'opewerken mè verenigingen en instelliengn die 'tzelfde doel èn: cultuur bevorderen en kennis verspreiden. Ze kunnen ook fiscale giften ontvangen via 't Fonds Vrienden van Wikimedia België.
Lidmoatschap
[bewerk'n | brontekst bewerken]Lid worden van Wikimedia België kan vo olle nateurlike personen, ook ol weunn ze buten België. 't Lidmoatschap is gratis vo de menschen die bijdroagn an de Wikimedia-projecten.
Instelliengn, organisoasjes of bedryven kunnen gèn lid worden, moa ze kunnen wel een gifte doen.
Ondersteunienge van vrywilligers
[bewerk'n | brontekst bewerken]Wikimedia België helpt de vrywilligers van Wikipedia en de zusterprojecten up anvroage mè een onkostenvergoedienge.
Externe links
[bewerk'n | brontekst bewerken]Bronnen en referenties
[bewerk'n | brontekst bewerken]- 1 2 Oprichtingsstatuten. Geraadpleegd op 25 november 2020.
 |
Ofbeeldiengn die ier by passn ku je vien in de categorie Wikimedia België van Wikimedia Commons. |