Wikipedia:Bêerders

Nen Bêerder, ôok wel ne sysop (system operator) genoemd, is e gebruker ip Wikipedia die e poar extra technische rechtn eit om de encyclopedie t'ounderoudn en te beschermn.

Bêerders zyn geweune vrywilligers die 't vertrouwn gekreegn èn van de gemêenschap. Ze zyn nie de boas over andere gebrukers en èn gin extra zeggenschap over den inoud van artikels, moar ze zurgn dervoorn da olles goed bluuft droaien.

Wa da e bêerder kan doene

Om 't ounderoud makkelikker te moakn, èn bêerders e poar extra "knoppn":

Verwydern: Bloadn of ofbeeldiengn verwydern (of verwyderde bloadn werekêern).
Blokkeern: Gebrukers of IP-adressn die ipzettelik an 't môoschn zyn (vandalisme), tydelik of vour ossan blokkeern.
Beveilign: Bloadn beveilign zodanig da ze (tydelik) nie mêer kunn'n wordn angebast.
Systeemtekstn: De tekstn van de interface (MediaWiki-noamruumte) anpassn en ertoaln.

Regels vo bêerders

Omdat de knoppn van e bêerder vele schoade kunn'n moakn as ze verkêerd wordn gebruukt, zyn der strakke regels:

Vôorbeeldfunctie: Van e bêerder wordt verwacht da j' em ossan beleefd en neutroal gedraagt. Bêerder zyn is e verantwoordelikied, gin statussymbool.
Gin eign ruzies (Involved): E bêerder mag zyn knoppn NOOIS gebruukn vo 't winn'n van een eign discussie. As je zelve betrokkn zyt in e ruze over een artikel, moe je de beslissienge overloatn an een andere, neutroale bêerder.
Gin acties forceren: As een andere bêerder jouw actie oungedoan makt, meug je da nie zomaar were inplekkn zounder êest t'overleggn ("wheel warring" is verboodn).

Bêerder wordn

A je al een ende meedroait, vele goeie bydroagn eit geleverd en 't vertrouwn eit van d'andere gebrukers, ku je je kandidoat stelln vo bêerder. Je doe da deur e verzoek te platsn in de Café. As de gemêenschap via e stemmienge of overleg tôo (akkôord) is, zal e Burocraat je de bêerdersknoppn geevn.

Lyste van bêerders

Druk ip de knoppe ierounder vo de live, automatisch bygewerkte lyste van aal actieve bêerders ip deze wiki te bekykn.

Bekyk de live Bêerders-lyste

Zie ôok